 |
| កសិករនៅថាមដូងកំពុងថែទាំបន្លែសម្រាប់លក់បុណ្យតេត។ |
ថាមដូងជាភូមិភាគមួយក្នុងចំណោមភូមិភាគ ដែលដាំបន្លែច្រើនរបស់ស្រុកមីស្វៀង។ ប៉ុន្មានថ្ងៃកន្លង ឆ្លៀតអាកាសធាតុអំណោយផល មាមីងកសិករបានខិតខំធ្វើដី ចុះពូជបន្លែដែលមានពេលខ្លីដើម្បីលក់ក្នុងរដូវតេត។ មាមីងកសិករដាំភាគច្រើនគឺដំណាំដូចជា ស្ពៃក្តោប ម្ទេស ម្រះ ខ្ទឹម គូឆាយ ស្ពៃបូកគោនិងបណ្តាប្រភេទបន្លែដទៃ ទៀត។ល។ បងស្រីលីវធីសន នៅភូមិតាមាឃ ឃុំថាមដូងបានឱ្យដឹង៖ ជាង២ខែហើយ គ្រួសារខ្ញុំបានខិតខំប្រឹងប្រែងដាំបន្លែសម្រាប់លក់រដូវតេត។ នៅទីនេះ ក្រៅពីធ្វើស្រែគឺដាំបន្លែជាដំណាំចម្បងដែលតែងនាំមកនូវប្រាក់ចំណូលខ្ពស់ដល់កសិករ។ គ្រួសារខ្ញុំអាស្រ័យមានដីចម្ការដាំបន្លែ ម្ល៉ោះហើយ ទើបជីវភាពគ្រួសារបានលំនឹង។ ចំណែកគ្រួសារបងកាវលិន នៅភូមិអំពូជ្រុំ ឃុំថាមដូងក៏កំពុងថែទាំចម្ការបន្លែសម្រាប់បម្រើទីផ្សារតេត។ បងកាវលិនបានឱ្យដឹង៖ សព្វថ្ងៃ ខ្ញុំដាំស្ពៃក្តោបមានផ្ទៃដីចំនួន៣.០០០ម២ កំពុងលូតលាស់ល្អ បម្រុងនឹងប្រមូលផលក្នុងថ្ងៃទី២៥ ច័ន្ទគតិ។ បច្ចុប្បន្ន តម្លៃស្ពៃក្តោបដែលឈ្មួញមកទិញដល់ចម្ការគឺ៨.០០០ដុង/គីឡូក្រាម ប្រសិនបើក្នុងរដូវតេតលក់ដោយតម្លៃ១០.០០០ដុង/គីឡូក្រាម ខ្ញុំនឹងទទួលបានប្រាក់ចំណូលជិត៣០លានដុង។
ក្រៅពីសកម្មថែទាំបណ្តាប្រភេទបន្លែសម្រាប់ផ្គត់ផ្គង់ទីផ្សារតេត អ្នកដាំបន្លែនៅទាំងអនុវត្តបណ្តាវិធានការដាំតាមបែបធម្មជាតិ បន្ថយការប្រើប្រាស់ប្រភេទថ្នាំការពាររុក្ខជាតិដោយគីមី។ ព្រមជាមួយនោះ ភូមិភាគនៅទាំងសកម្មចលនាមាមីងកសិករអនុវត្តរបៀបផលិតដើម្បីមានផលិតផលគុណភាព ធានាសុវត្ថិភាពគ្រឿងបរិភាគដល់អ្នកប្រើប្រាស់។ តាមមាមីងកសិករដែលដាំបន្លែផ្ទាល់គឺ១កុង (១.០០០ម២) អាចរកបានពី៣-៤លានដុង/រដូវ តាមប្រភេទបន្លែ។ ក្រៅពីបានផលចំណេញខាងសេដ្ឋកិច្ចដល់កសិករមានប្រាក់ចំណូលលំនឹង នៅទាំងបង្កលក្ខណៈឱ្យកសិករនៅជនបទមានការធ្វើគឺប្រមូលទិញកសិផលហើយយកទៅបោះម៉ូយនៅតាមផ្សារក្នុងខេត្តនិងក្រៅខេត្ត។ លោកត្រឹងមិញធា-អនុប្រធានសមាគមកសិករឃុំថាមដូងបានឱ្យដឹង៖ ដាំបន្លែសម្រាប់លក់ក្នុងបុណ្យតេតង្វៀងដាងនៅថាមដូងមានពីយូរមកហើយបាននាំមកនូវប្រាក់ចំណូលឱ្យមាមីងកសិករនៅភូមិភាគ។ ទន្ទឹមនឹងនោះ តម្លៃលក់ក៏បានខ្ពស់បើប្រៀបនឹងឆ្នាំមុន ដូច្នេះ មាមីងកសិករមានក្តីសប្បាយរីករាយណាស់ដោយបន្លែបានអំណោយផលនិងលក់បានថ្លៃ។ ប្រការនេះមានន័យថាឆ្នាំនេះមាមីងនឹងទទួលបុណ្យតេតដោយភាព សប្បាយរីករាយ សុខដុមរមនា។
និយាយរួម ការផលិតបន្លែនៅថាមដូងគឺមានភាពអំណោយផលណាស់ សង្ឃឹមថាទទួលបានផលខ្ពស់ក្នុងរដូវតេតនាំមកនូវប្រាក់ចំណូល លំនឹងដល់ប្រជាជនក្នុងឱកាសបុណ្យតេតមកដល់៕
ចន្ថា
Thông tin bạn đọc
Đóng Lưu thông tin