 |
| នារីឡុងភូធ្វើអនាម័យតាមដងផ្លូវជនបទ រួមកម្លាំងការពារបរិស្ថាន។ |
ប្រឈមមុខនឹងស្ថានភាពសំរាមនីឡុងដែលបង្កកខ្វក់បរិស្ថាន ឆ្លងតាមប្រព័ន្ធសារគមនាគមន៍អំពីផលប៉ះពាល់នៃសំរាមជ័រ សមាជិកានារីឃុំចូវខាញ់ ស្រុកឡុងភូបានសកម្មផ្លាស់ប្តូរទម្លាប់របស់គ្រួសារ។ គ្រួសារបងង្វៀងធីង៉ុកកឹម នៅភូមិញី ឃុំចូវខាញ់ ស្រុកឡុងភូកំពុងបែងប្រភេទសំរាមក្នុងគ្រួសារ ថង់នីឡុងដាក់អាហារគ្រប់ប្រភេទបានបងស្រីលាងជ្រះរក្សាទុក ឯដបជ័រទុកដោយឡែកសម្រាប់លក់អេតចាយ។ ពេលទិញអីវ៉ាន់ប្រើប្រាស់ ទៅផ្សារបងស្រីក៏យកកន្ត្រកតាម។ បងស្រីកឹមចែករំលែក៖ ប្រសិនបើយើងបែងសំរាមត្រូវប្រភេទនឹងជួយឱ្យការងារការពារបរិស្ថានបានល្អ ជួយសង្គមអភិវឌ្ឍ ចំពោះសំរាមសរីរាង្គបើប្រើត្រូវតាមគោលបំណងវានឹងបង្កបានជាប្រភពវត្ថុធាតុស្អាត។ ជីសរីរាង្គគឺសម្រាប់ដាំបន្លែនិងដើមឈើ។ បន្ទាប់ពី៦ខែចូលរួមក្លឹបនារីការពារបរិស្ថាន ឃុំចូវខាញ់មិនត្រឹមតែបងស្រីកឹមប៉ុណ្ណោះទេ មានបងប្អូននារីភាគច្រើននៅជុំវិញតំបន់នោះបានរៀនពីទម្លាប់បែងប្រភេទសំរាម។ ដោយមានគោលបំណងជួយបងប្អូនម្នាក់ៗបែងប្រភេទសម្រាមនៅតាមគ្រួសារ។ ពេលចូលរួមក្នុងសកម្មភាព បងប្អូនបានណែនាំអំពីបែងប្រភេទនិងដោះស្រាយសំរាមឱ្យបានសមស្រប ចំពោះសំរាមដែលអាចកែច្នៃឡើងវិញបានដូចជារបស់របរជ័រ លោហធាតុ… ប្រមូលទុកសម្រាប់លក់ដើម្បីមានប្រាក់ផ្គត់ផ្គង់ជីវភាព ចំពោះកាកសំណល់ សរីរាង្គ រួមមានអាហារដែលនៅសល់ បន្លែ មើម ផ្លែឈើ… ជីករណ្តៅផ្អាប់ធ្វើជាជី។ បងប្អូនក៏បានឧបត្ថម្ភឧបករណ៍ដើម្បីអនុវត្តបែងប្រភេទសំរាម។ ទន្ទឹមនឹងនោះ ក្លឹបផ្តោតលើការឃោសនាអំពីផលប៉ះពាល់គ្រោះថ្នាក់នៃសំរាមជ័រចំពោះបរិស្ថាន សុខភាពប្រជាជននិងប្រព័ន្ធអេកូឡូស៊ី នាពេលអនាគតឈានដល់ដើម្បីជួយបងប្អូនផ្លាស់ប្តូរពីការយល់ដឹងទៅជាសកម្មភាពទប់ស្កាត់សំរាមជ័រ បងប្អូននារីម្នាក់ៗបានក្លឹបឧបត្ថម្ភកន្ត្រកទៅផ្សារដើម្បីបន្ថយការប្រើថង់នីឡុងរៀងរាល់ថ្ងៃ។ បងស្រីត្រឹងធីឡង-ប្រធានសមាគមនារីឃុំចូវខាញ់ឱ្យដឹង៖ ដោយការឃោសនា ចលនា ដូច្នេះ នាពេលកន្លងស្ថានភាពការចោលសំរាម នៅតាមទីសាធារណៈលើភូមិដ្ឋានឃុំមានការថយចុះគួរឱ្យកត់សំគាល់។ ភាគច្រើនសមាជិកាបានផ្លាស់ប្តូរការយល់ដឹងនិងសកម្មភាពដើម្បីបង្កើតទេសភាពស្រស់ស្អាត ទីក្រុងអរិយធម៌។
គិតដោយឡែកពីទម្រង់ការពារបរិស្ថាន មកដល់ពេលនេះ សមាគមនារីស្រុកឡុងភូបង្កើត២៩ក្លឹប ក្រុមមានសមាជិកាជាង៤០០រូប។ ឆ្លងតាមបងប្អូនសមាជិកាក៏ក្លាយជាអ្នកឃោសនាក្នុងភូមិដើម្បីជួយឱ្យមាមីងយល់ដឹងពីការបង្កទេសភាពកសាងបរិយាកាសរស់នៅកាន់តែស្រស់ស្អាត ស្រស់ស្រាយជិតស្និទ្ធក្នុងគ្រួសារ នៅជុំវិញតំបន់ដែលយើងរស់នៅ។
បងស្រីប៊ូយធីធូង៉ា-ប្រធានសមាគមនារីស្រុកឡុងភូឱ្យដឹង៖
នាពេលខាងមុខសមាគមបន្តចង្អុលការណែនាំមូលដ្ឋាសមាគមនានាដើម្បីជំរុញការឃោសនា រក្សានិងបើកទូលាយទម្រង់ការពារបរិស្ថានបៃតង-ស្អាតផ្សារភ្ជាប់ជាមួយចលនាប្រឡងប្រណាំង “នារីសកម្មរៀនសូត្រពលកម្មច្នៃប្រឌិត កសាងគ្រួសារសុភមង្គល” និងចលនា “កសាងគ្រួសារគ្មាន៥ប្រការ ៣ប្រការស្អាត” នៅតាមតំបន់អាសយជននីមួយៗ។
ជាមួយនឹងសកម្មភាពជាក់ស្តែងសមាជិកាស្រុកឡុងភូកំពុងរួមចំណែកលើកកម្ពស់ការយល់ដឹងរបស់សហគមន៍អំពីសារៈសំខាន់នៃការការពារបរិស្ថាន តាំងពីនោះ មួយជំហានម្តងៗបានកែលម្អបរិស្ថានរស់នៅនិងរួមចំណែកយ៉ាងសកម្មក្នុងការកសាងជនបទថ្មីនៅភូមិភាគ៕
ចន្ថា
Thông tin bạn đọc
Đóng Lưu thông tin