តាមរបាយការណ៍បូកសរុបរបស់សមាគមនិងចលនាកសិករ ឆ្នាំ២០២៤ ឃុំថាមដូងមានផ្ទៃដីដាំបន្លែចំនួន១.៤៦៦/១.៥៧០ហ.ត ដំណាំដាំសំខាន់ដូចជា ខ្ទឹម គូឆាយ ស្ពៃក្តោប។ល។ ពិសេស ក្នុងខែមិគសិរនិងខែបុស្ស (ច័ន្ទគតិ) ជារៀងរាល់ឆ្នាំ គ្រួសារកសិករចាប់ផ្តើមចុះពូជដំណាំ ដើម្បីបម្រើទីផ្សារបុណ្យតេត។
មកទស្សនាចម្ការម្ទេសរបស់ពូថាច់ហ៊ុង នៅភូមិផ្នោរស្លា២ ឃុំថាមដូង ស្រុកមីស្វៀងខុសប្លែកជាងរាល់ឆ្នាំមុន ឆ្នាំនេះ ពូសម្រេចចិត្តដាំម្ទេសនិងស្ពៃឈើ ដើម្បីបម្រើតម្រូវការរបស់ទីផ្សារក្នុងរដូវបុណ្យតេត។ តាមពូហ៊ុង បន្ទាប់ពីបានតាមដានតម្លៃនិងតម្រូវការរបស់អ្នកប្រើប្រាស់ពូបានឆ្លៀតយកដី១កុង ដើម្បីដាំចន្លោះម្ទេសនិងស្ពៃឈើ នេះគឺជាដំណាំ២ប្រភេទប្រមូលផលដែលមានរយៈពេលពី១,៥-២ខែ ចំណាយតិច រដូវនេះមិនសូវមានដង្កូវ មានតម្លៃខ្ពស់ ជាមួយនឹងតម្លៃម្ទេសជាមធ្យមពី២០.០០០-២៥.០០០ដុង/គ.ក ស្ពៃឈើពី៨.០០០-១០.០០០ដុង បន្ទាប់ពីគិតការចំណាយរួច នៅចំណេញពី១០-២០លានដុង/កុង/រដូវ ពូហ៊ុងបានឱ្យដឹងដូច្នេះ។ អាស្រ័យហេតុនេះ ជីវភាពគ្រួសារពូកាន់តែធូរធារឈានឡើង។
 |
| ពូថាច់ហ៊ុង នៅភូមិផ្នោរស្លា២ ឃុំថាមដូង ស្រុកមីស្វៀងកំពុងប្រមូលផលម្ទេស។ |
ក៏ដូចជាពូហ៊ុង ដើម្បីបម្រើទីផ្សារបុណ្យតេត ពូឡេវ៉ាំងឌើ-ប្រធានសាខាសមាគមកសិករភូមិផ្នោរស្លា២ ក៏ដាំម្ទេស១កុងនិងគូឆាយ១កុង។ ជាមួយនឹងបទពិសោធន៍ដាំបន្លែជាច្រើនឆ្នាំ ពូឌើចែករំលែក៖ ខ្ញុំដាំបន្លែផ្លាស់គ្នា២ប្រភេទម្ទេសនិងគូឆាយរៀងរាល់ឆ្នាំ រដូវនេះ អាកាសធាតុសមស្របទើបបន្លែលូតលាស់ល្អ ដោយមិនចាំបាច់ប្រើជី ថ្នាំច្រើន ប៉ុន្តែនៅតែរីកចំរើនល្អ ម្ល៉ោះហើយ ទទួលបានទិន្នផលខ្ពស់។ ដើម្បីដាំបន្លែទទួលបានផលច្រើន លក់បានតម្លៃ ខ្ញុំចូលរួមថ្នាក់ហ្វឹកហាត់យ៉ាងសកម្មដើម្បីទទួលបានចំណេះដឹងបន្ថែមអំពីបច្ចេកទេសដាំដុះថ្មី អនុវត្តភាពជឿនលឿនផ្នែកវិទ្យាសាស្ត្រ-បច្ចេកទេស គួបផ្សំវិធីសាស្ត្រដាំផ្លាស់ប្តូរនិងចម្រុះក្នុងការផលិត។ បច្ចុប្បន្ន គ្រួសារពូឌើ កំពុងប្រមូលផលបន្លែនិងប្រមូលផលរហូតដល់បុណ្យតេត ជាមួយនឹងតម្លៃម្ទេសជាមធ្យមពី២០.០០០-២៥.០០០ដុង/គ.ក ផ្កាគូឆាយជាមធ្យមពី២០.០០០-៤០.០០០ដុង/គ.ក បន្ទាប់ពីគិតការចំណាយរួច ពូឌើទទួលបានប្រាក់ចំណេញពី២០-៤០លានដុង/រដូវ ហេតុដូច្នេះ ការដាំដំណាំ បានក្លាយជាចំណូលសំខាន់ដល់គ្រួសារពូ។
 |
| ពូឡេវ៉ាំងឌើ-ប្រធានសាខាសមាគមកសិករភូមិផ្នោរស្លា២ កំពុងថែទាំម្ទេសរបស់គ្រួសារ។ |
លោកត្រឹងមិញធា-អនុប្រធានសមាគមកសិករឃុំថាមដូងព័ត៌មាន៖ ចំពោះឃុំថាមដូងមាមីងកសិករមានប្រពៃណីដាំបន្លែជុំឆ្នាំ ពិសេស រដូវនេះ កសិករចុះពូជ ថែទាំដំណាំសំខាន់ៗដូចៈ ស្ពៃក្តោប ម្ទេស ខ្ទឹម គូឆាយ។ល។ ដើម្បីប្រមូលផលក្នុងឱកាសបុណ្យតេត។ ដើម្បីប្រជាជនផលិតបន្លែសម្រាប់បុណ្យតេតទទួលបានប្រសិទ្ធភាពសេដ្ឋកិច្ចខ្ពស់ ឃុំសហការជាមួយផ្នែកកសិកម្មស្រុក បង្កើនការផ្លាស់ប្តូរវិទ្យាសាស្ត្រ-បច្ចេកទេស ណែនាំកសិករផលិតតាមបែបបន្លែសុវត្ថិភាព ដើម្បីផ្គត់ផ្គង់កសិផលសុវត្ថិភាព គុណភាពដល់អ្នកប្រើប្រាស់។
ជាមួយនឹងបទពិសោធន៍ក្នុងការដាំបន្លែជុំឆ្នាំ ម្ចាស់ការ ខ្នះខ្នែងក្នុងការជ្រើសពូជបន្លែនិងការឧបត្ថម្ភយ៉ាងសកម្មពីគណៈកម្មាធិការបក្ស រដ្ឋអំណាច ឆ្នាំនេះ សង្ឃឹមថា ប្រមូលផលបានច្រើន លក់បានតម្លៃខ្ពស់ នាំមកនូវប្រាក់ចំណូលគ្រាន់បើដល់ប្រជាជន សម្រាប់កែលម្អជីវភាព ទទួលតេតង្វៀងដាងយ៉ាងសប្បូរសប្បាយនិងកក់ក្តៅ៕
ហុងទើ
Thông tin bạn đọc
Đóng Lưu thông tin