 |
| ពិធីបង្ហាញមុខ “ក្រុមសហការផ្គត់ផ្គង់ជីធម្មជាតិ” នៅភូមិអាងង៉ីប ឃុំអាងថាញ់៣ ស្រុកគូឡាវយុង(សុកត្រាំង)។ |
ក្នុងប៉ុន្មានឆ្នាំកន្លង សមាគមនារីឃុំអាងថាញ់៣ បានកសាងច្រើនកម្មវិធីសកម្មភាពជំនួយសមាជិកានារីអភិវឌ្ឍ ឈានឡើងចាកផុតក្រដោយចីរភាព ទន្ទឹមនោះ មានទម្រង់ល្អៗនិងមានអត្ថន័យបានបង្កើត ពិសេសគឺទម្រង់ “ក្រុមសហការផ្គត់ផ្គង់ជីធម្មជាតិ” នៅភូមិអាងង៉ីបដោយមានសមាជិកាចំនួន១៦រូបចូលរួម។ បានសមាគមបង្កលក្ខណៈឱ្យបុលទុនពីធនាគារគោលនយោបាយសង្គម បងប្អូននារីបានបុលទុនពី៣០-៥០លានដុង ដើម្បីសង់រោងចិញ្ចឹមសត្វប្រចៀវ។ ដោយមានសក្តានុភាពធម្មជាតិ បងប្អូននារីជាសមាជិកាចាប់ផ្តើមសង់រោងចិញ្ចឹមប្រចៀវ សព្វថ្ងៃលាមកប្រចៀវមានតម្លៃពី៦០-៧០ពាន់ដុង/គ.ក។
បងស្រីថាច់ធីទ្វៀក នៅភូមិអាងង៉ីប ឃុំអាងថាញ់៣បានឱ្យដឹង៖ “ក្រោយពីបានបងប្អូននារីក្នុងសមាគមឧទ្ទេសនាមចូលរួម“ក្រុមសហការផ្គត់ផ្គង់ជីធម្មជាតិ” ដំបូងខ្ញុំមានការស្ទាក់ស្ទើរពីព្រោះមិនដែលចិញ្ចឹមសត្វប្រចៀវម្តងណាឡើយ ប៉ុន្តែក្រោយមកដោយឃើញសត្វប្រចៀវមានភាពងាយស្រួលក្នុងការចិញ្ចឹមគ្រាន់តែជម្រើសកន្លែងណាដែលស្ងាត់ សង់រោង ព្យួរស្លឹកឆ្នោតដើម្បីឱ្យប្រចៀវជ្រក ហើយប្រចៀវជុះលាមកមកយើងនឹងប្រមូលលាមក អាស្រ័យចូលរួមក្រុមសហការនេះ ខ្ញុំមានប្រាក់ចំណូលពី២០០ពាន់-៣០០ពាន់ដុង/ថ្ងៃ”។ ក្រៅពីប្រមូលលាមកប្រចៀវ ក្រុមសហការនៅទាំងប្រមូលលាមកគោ លាមកពពែ សម្រាប់លក់ផ្គត់ផ្គង់ជីវភាពគ្រួសារ។
ជាមួយស្មារតីមិនបង្អង់ច្នៃប្រឌិត រហ័សរហូននិងជម្រុញអភិវឌ្ឍសេដ្ឋកិច្ចផ្សារភ្ជាប់ជាមួយកិច្ចចលនាព្រួតដៃកសាងជនបទថ្មី ចាប់ពីដើមឆ្នាំសមាគមបានកសាងផែនការចុះឈ្មោះជាមួយគណៈកម្មាធិការបក្សឃុំអនុវត្តសកម្មភាពជាច្រើនដូច ចូលរួមកសាងជនបទថ្មី ក្រុងអរិយធម៌ អនុវត្តផែនការ “ថ្ងៃអាទិត្យកសាងជនទថ្មី” អាស្រ័យគណៈកម្មាធិការប្រជាជនស្រុកបំផុសចលនា បន្ត “កសាងដងផ្លូវផ្កាគំរូ” ដោយមានប្រវែង១.០០០ម តាមដងផ្លូវខេត្តលេខ៩៣៣B ។
 |
| បងស្រីត្រឹងធីកឹមហឿង-សមាជិកានៃសមាគមនារីឃុំអាងថាញ់៣ ចូលរួមធ្វើស្មៅ ដាំផ្កាបង្កទិដ្ឋភាពនៅជនបទ។ |
ទន្ទឹមនោះ សមាគមនៅទាំងចលនាបងប្អូននារីនិងប្រជាជនចេញយុទ្ធនាការកាប់ឆ្ការស្មៅដោយមាន១៩៨រូបចូលរួម បោសសម្អាតតាមដងផ្លូវនិងបណ្តុះពូជផ្កាម្ជុលចំនួន១.០០០ដើមជាមួយថវិកាជិត១០លានដុងពីប្រភពទុនចលនារបស់សប្បុរសជននិងសមាជិកានៃសមាគមនារី។បងស្រីត្រឹងធីកឹមហឿងសមាជិកានៃសមាគមនារីឃុំអាងថាញ់៣បានឱ្យដឹង៖ ពេលសមាគមបំផុសចលនាខ្ញុំតែងចូលរួមភ្លាម ខ្ញុំបានចូលរួមកាប់ឆ្ការស្មៅ ធ្វើអនាម័យតាមផ្លូវ ដាំផ្ការាល់សប្តាហ៍។ ខ្ញុំចូលចិត្តនឹងសកម្មភាពនេះពីព្រោះមិនត្រឹមតែបានជួបជុំបងប្អូននារីដើម្បីចែករំលែកពីការងារ ជីវភាពរស់នៅតែនៅទាំងរួមចំណែកបង្កទិដ្ឋភាពដល់តំបន់ជនបទពីមួយថ្ងៃកាន់តែបៃតង-ស្អាត។
បងស្រីត្រឹងធីថើម-ប្រធានសមាគមនារីឃុំអាងថាញ់៣បានឱ្យដឹង៖ សមាគមនារីឃុំអាងថាញ់៣ មានសមាជិកាចំនួន១.៥៩២រូប តែងសាមគ្គីស្របមតិជួយគ្នាអភិវឌ្ឍសេដ្ឋកិច្ច បន្ថយក្រដោយចីភាពឆ្លងតាម ទម្រង់ដូច ក្រុមសហការផ្គត់ផ្គង់ជីធម្មជាតិ ក្រុមសហការដាំបន្លែជ្រះ ក្រុមតម្បាញកក់ ក្រុមចិញ្ចឹមជ្រូកក្លឹបដាំអំពៅ។ល។ ផ្សារភ្ជាប់ជាមួយទិសដៅព្រួតដៃកសាងជនបទថ្មី។ អាស្រ័យការយកចិត្តទុកដាក់របស់រដ្ឋអំណាចគ្រប់ថ្នាក់ ការខិតខំឈានឡើងរបស់បងប្អូននារីបានរួមចំណែកសម្រេចទិសដៅកសាងជនបទថ្មី ជម្រុញការអភិវឌ្ឍសេដ្ឋកិច្ច-សង្គម ឈានឡើងចាកផុតក្រដោយចីរភាព៕
ហុងទើ-សុផល
Thông tin bạn đọc
Đóng Lưu thông tin