សមាគមនារីគ្រប់ថ្នាក់លើភូមិដ្ឋានស្រុកតែងលើកកម្ពស់ស្មារតីភារៈក្នុងគប់វាល់និងកសាងបណ្តាសេចក្តីសម្រេច សារាចរ ផែនការកម្មវិធីអនុវត្តជនបទថ្មី ធ្វើមេគំនិត លើកស្នើបណ្តាខ្លឹមសារជាក់ស្តែងរបស់សមាគមផ្សារភ្ជាប់ជាមួយកម្មវិធី អនុវត្តសមស្របឆ្លើយតបសំណូមពររបស់សមាជិកានិងប្រជាជន។ ជាក់ស្តែងដើម្បីព្រួតដៃកសាងស្រុកជនបទថ្មីលើកកម្ពស់សមាគមនារីគ្រប់ថ្នាក់ពីស្រុកដល់មូលដ្ឋានបង្កើតបានច្រើនទម្រង់និងពង្រីកប្រសិទ្ធភាពសកម្មនៅសហគមន៍ តំបន់អាស័យជនដូចៈ ក្រុមនារីបែងប្រភេទសម្រាមនៅគ្រួសារ ក្រុមនារីបែងប្រភេទសម្រាមនិងផ្អាប់ជីធម្មជាតិពីធុងcompostនៅគ្រួសារ ក្រុមនារីនិយាយថាទេជាមួយស្បោងនីឡុង ក្រុមនារីប្រមូលសម្រាមជ័រដូរយករបស់ប្រើប្រាស់ចាំបាច់។ល។បានសមាគមនារីនិងប្រជាជនចូលរួមគាំទ្រ។ បងត្រឹងហុងនី-ប្រធានសគមនារីស្រុកមីស្វៀងឱ្យដឹង៖ កំណត់កសាងជនបទថ្មីជាភារកិច្ចសំខាន់របស់សមាគមក្នុងដំណាក់កាលសព្វថ្ងៃ។ ក្នុងចង្អុលការសមាគមតែងច្បាមកំណត់ទិសកសាងជនបទថ្មីរបស់ខេត្ត របស់ភូមិភាគផ្សព្វផ្សាយអនុវត្តត្រូវធានាព្រមៗគ្នា សមស្របជាមួយលក្ខណៈពិសេសរបស់បណ្តាឃុំ ភូមិ។ ទន្ទឹមនោះតាមដានពិនិត្យដើម្បីដោះស្រាយបញ្ហាកកស្ទះទាន់ពេលក្នុងអំឡុងកាលអនុវត្តក៏ដូចលើកទឹកចិត្តស្ងើចសរសើរបណ្តាបុគ្គល អង្គការសកម្មចូលរួមគប់វាល់ក្នុងកសាងជនបទថ្មីនៅភូមិភាគ។
 |
| សមាជិកានារីចូលរួមថែទាំផ្កាដងផ្លូវផ្កានៅភូមិយ៉ុងករឃុំថាមដូង។ |
រួមជាមួយនោះសមាគមនារីស្រុកចលនាលើកទឹកចិត្តគ្រួសារសមាជិកាដាំផ្កានៅមុខផ្ទះដើម្បីបង្កទិដ្ឋភាពខៀវស្រស់ស្អាតបង្កភាពលេចធ្លោក្នុងចលនានារីនិងសមាគម។ ជាអាទិ៍ដូចសមាគមនារីឃុំថាមដូងសកម្មចូលរួមកសាងដងផ្លូវគ្មានសម្រាម ដងផ្លូវផ្កា។ ដើម្បីរក្សាដងផ្លូវឱ្យផ្ការីកស្រស់ល្អក្រោយពេលដាំសមាគមនារីឃុំប្រគល់ភារកិច្ចជាក់ស្តែងឱ្យសមាជិកាម្នាក់ៗទទួលថែទាំ។ បច្ចុប្បន្នសងខាងដងផ្លូវផ្ការីកស្គុះស្គាយធ្វើឱ្យទិដ្ឋភាពជនបទស្រស់បំព្រង។ បងថាច់ធីផល្លី-អនុប្រធានសមាគមនារីឃុំថាមដូងឱ្យដឹង៖ ឆ្លងតាមការងារឃោសនា ចលនាអនុវត្តបណ្តាសមាជិកាតែងយល់ច្បាស់ពីការអនុវត្តបទដ្ឋាន “៥គ្មាន៣ស្អាត” ជាភារៈរបស់រាល់គ្រួសារ។ ហេតុនោះការប្រមូលសម្រាម កាប់ឆ្កាធ្វើស្មៅ រៀបចំផ្ទះសម្បែងស្អាតបាតជាការធ្វើបានសមាជិកាអនុវត្តជាប្រចាំ។ តាំងពីនោះបានព្រួតដៃជាមួយភូមិភាគអនុវត្តល្អបណ្តាកំហិតពីបរិស្ថានក្នុងកសាងជនបទថ្មី។ បងង្វៀងធីផឿងឡង-ប្រធានសាខាសមាគមនារីភូមិយ៉ុងករ ឃុំថាមដូងឱ្យដឹង៖ ពីពេលចលនាអនុវត្តទម្រង់ “ដងផ្លូវផ្កា ភូមិស្រុកស្អាត” បងប្អូនគាំទ្រយ៉ាងខ្លាំង។ក្រៅពីបណ្តាផ្ការបស់ភូមិភាគដាំបងប្អូននៅទាំងដាំបន្ថែមប្រភេទផ្កាផ្សេងទៀតនិងសកម្មចូលរួមធ្វើអនាម័យដងផ្លូវនៅមុខផ្ទះ។ ឃើញដងផ្លូវស្អាតស្រឡះស្រឡំបង្កលក្ខណៈឱ្យមាមីងធ្វើដំណើរ កូនក្មួយទៅរៀនក៏ងាយស្រួលនរណាក៏សប្បាយចិត្ត។
 |
| បណ្តាដងផ្លូវជនបទនៅលើភូមិដ្ឋានស្រុកមីស្វៀងស្អាតខៀវស្រស់តែងមានការចូលរួមរបស់សមាជិកានារី។ |
ជាមួយបណ្តាសកម្មភាពជាក់ស្តែងសមាជិកានារីមីស្វៀងបានរួមចំណែកយ៉ាងសកម្មរួមជាមួយគណៈកម្មាធិការបក្ស រដ្ឋអំណាចនិងប្រជាជនក្នុងស្រុកអនុវត្តជ័យជំនះកម្មវិធីទិសដៅជាតិកសាងជនបទថ្មី។ រយៈពេលខាងមុខសមាគមនារីស្រុកបន្តចង្អុលការសមាគមគ្រប់ថ្នាក់ជំរុញការងារឃោសនាចលនាកម្មាភិបាលសមាជិកាអនុវត្តការកសាងជនបទថ្មីលើកកម្ពស់ ជនបទថ្មីគំរូផ្សារភ្ជាប់ជាមួយចលនាប្រឡងប្រណាំងរបស់សមាគមបង្កការប្រែផ្លាស់សកម្មក្នុងការយល់ដឹងនិងសកម្មភាពរបស់កម្មាភិបាលសមាជិការួមចំណែកជាមួយគណៈកម្មាធិការបក្ស រដ្ឋអំណាចបណ្តាភូមិភាគលើកកម្ពស់កំហិតជនបទថ្មីនិងឆ្ពោះដល់កសាងសម្រេចស្រុកជនបទថ្មីលើកកម្ពស់ក្នុងពេលខាងមុខ៕
ចន្ថា
Thông tin bạn đọc
Đóng Lưu thông tin