 |
| មីងថាច់ធីគីមហៀងភូមិគៀកឡឹប A ឃុំឡឹមតឹងលំនឹងជីវភាពដោយសារការប្រើប្រាស់ទុនធនាគារគោលនយោបាយសង្គមមានប្រសិទ្ធភាព។ |
សំណេះសំណាលជាមួយយើងខ្ញុំអំពីប្រសិទ្ធភាពជាក់ស្តែងរបស់ទុនធនាគារគោលនយោបាយសង្គម សមមិត្តហ្វិញកឹមទូ - ប្រធានសមាគមនារីឃុំឡឹមតឹងឱ្យដឹង៖ ពីប្រភពទុនធនាគារគោលនយោបាយសង្គម ជួយសមាជិកាផ្លាស់ប្តូរការផលិតបន្តិចម្តងៗមានលក្ខណៈឈានឡើងដោយខ្លួនឯង កសាងបណ្តាទម្រង់សេដ្ឋកិច្ចមានប្រសិទ្ធភាព សមស្របជាមួយលក្ខណៈសេដ្ឋកិច្ចរបស់ភូមិភាគ។ ឆ្លងតាមនោះ រួមចំណែកលើកកម្ពស់គុណភាពជីវភាពរបស់សមាជិកា។ ជាគ្រួសារឈានឡើងលំនឹងជីវភាពដោយការប្រើប្រាស់ទុនធនាគារគោលនយោបាយសង្គម មីងថាច់ធីគីមហឿងនៅភូមិគៀកឡឹប A ឃុំឡឹមតឹងចែករំលែក៖ គ្រួសារជួបការលំបាក ឆ្នាំ២០១៤បានសមាគមនារីឃុំបង្កលក្ខណៈបុលទុនធនាគារគោលនយោបាយ ខ្ញុំបានវិនិយោគលើការទិញគោពូជ១ក្បាលដើម្បីចិញ្ចឹម ក្រោយពេលចិញ្ចឹមឃើញមានប្រសិទ្ធភាព ដូច្នេះ ពេលគោកើតកូនដំបូងខ្ញុំទុកចិញ្ចឹម។ ដោយឧស្សាហ៍ព្យាយាមថែទាំ ខិតខំប្រឹងប្រែងរៀនសូត្រពីវិធីចិញ្ចឹម ម្ល៉ោះហើយគោឆាប់ធំ ចាប់ពីគោ១ក្បាលដំបូង ក្រោយលក់២លើក បច្ចុប្បន្នគ្រួសារមីងរក្សាទុក៧ក្បាល ក្នុងនោះគោ៣ក្បាលកំពុងមានផ្ទៃពោះ។ មីងឱ្យដឹងបន្ថែម៖ ថ្មីៗនេះខ្ញុំលក់គោ២ក្បាល តម្លៃជិត៤០លានដុងជាមួយប្រាក់ចំណូលប្រហែល១០០លានដុង/ឆ្នាំបានមកពីការចិញ្ចឹមគោនិង១០កុងដីធ្វើស្រែផលិត៣រដូវ/ឆ្នាំជួយគ្រួសារខ្ញុំស្ថិរភាពបន្តិចម្តងៗឈានឡើងចាកផុតក្រ។
ឯគ្រួសារមីងឡឹមធីថាញ់ង៉ានៅភូមិគៀកឡឹប A ឃុំឡឹមតឹង កាលពីមុនគ្រួសារមីងប្រកបរបរកសិកម្ម ចាប់តាំងពីចូលរួមអង្គការសមាគមឆ្នាំ២០១៤បានសមាគមនារីឃុំបង្កលក្ខណៈបុលទុន១៥លានដុង មីងវិនិយោគចិញ្ចឹមជ្រូកសាច់។ បានដឹង ដំបូងគ្រួសារមីងគ្រាន់តែចិញ្ចឹមសាកល្បងពី៥-១០ក្បាល ឃើញទម្រង់មានប្រសិទ្ធភាព មីងក៏សម្រេចចិត្តបង្កើនហ្វូងឡើងដល់២០ក្បាល ដោយឡែក២ឆ្នាំជិតៗនេះ មីងបានបង្កើនឡើងដល់៦០ក្បាល ក្នុងមួយលើកចិញ្ចឹម។ មីងង៉ាឱ្យដឹង៖ មធ្យមក្នុងមួយឆ្នាំគ្រួសារខ្ញុំចិញ្ចឹម២លើកក្នុងមួយលើកចិញ្ចឹម៦០ក្បាល ពេលលក់ក្នុងមួយក្បាលមានទម្ងន់ប្រហែល១០០គីឡូក្រាមដោយតម្លៃលក់ពី៥០.០០០-៥៥.០០០ដុង/គីឡូក្រាម។ ជាមួយប្រាក់ចំណូលប្រហែល២៤០លានដុងពីការចិញ្ចឹមជ្រូកបានជួយគ្រួសារខ្ញុំធូរធារបន្តិចម្តងៗ ឆ្នាំ២០២១ប្តីប្រពន្ធខ្ញុំសង់ផ្ទះរឹងមាំតម្លៃជាង១ពាន់លានដុង។
អាចឃើញថា ប្រភពទុនអាទិភាពរបស់ធនាគារគោលនយោបាយសង្គមបានជួយសមាជិកាដែលមានស្ថានភាពលំបាកនៅលើភូមិដ្ឋានឃុំឡឹមតឹងមានលក្ខណៈអភិវឌ្ឍសេដ្ឋកិច្ចបង្កើនប្រាក់ចំណូលបន្ថែមលំនឹងជីវភាពនិងឈានឡើងធូរធារ៕
ថាញ់វ៉ាង
Thông tin bạn đọc
Đóng Lưu thông tin