 |
| ទម្រង់ដាំខ្ទឹមតាមទិសសរីរាង្គរបស់មាមីងកសិករនៅឃុំវិញហាយ ទីរួមខេត្តវិញចូវ(សុកត្រាំង)។ |
ទម្រង់សហករណ៍ឃុំគំរូថ្មីបានបង្កើតឡើងនិងសកម្មភាពលើស្មារតីស្ម័គ្រចិត្តតាមច្បាប់សហករណ៍ឆ្នាំ២០២២។ ការផ្លាស់ប្តូរយ៉ាងសកម្មអំពីវិធីសាស្ត្រសកម្មភាព ចងសម្ព័ន្ធផលិតប្រើប្រាស់ផលិតផលនៃទម្រង់សហករណ៍ក្នុងខេត្តបានរួមចំណែកយ៉ាងសកម្មក្នុងការអភិវឌ្ឍសេដ្ឋកិច្ច-សង្គម លើកកម្ពស់នូវលក្ខឋានក្នុងការកសាងជនបទថ្មីនៅភូមិភាគ។ លោកថាច់ភឿកតាយ-នាយករងសហករណ៍ខេត្តសុកត្រាំងនិយាយ៖ សហករណ៍ខេត្តសហការជាមួយគណៈចង្អុលការសេដ្ឋកិច្ចសមូហភាពបណ្តាស្រុកទីរួមខេត្ត ក្រុងចាត់តាំងបណ្តាថ្នាក់ហ្វឹកហាត់ផ្សព្វផ្សាយគោលការណ៍ គោលនយោបាយរបស់បក្ស ក្រឹត្យច្បាប់របស់រដ្ឋស្តីពីសេដ្ឋកិច្ចសមូហភាព សហករណ៍តាមច្បាប់ ឆ្នាំ២០២២ដល់សមាជិកនិងប្រជាជន។ សហករណ៍បានរួមចំណែកយ៉ាងសកម្មក្នុងការចូលរួមកសាងជនបទថ្មី។ យើងខ្ញុំមកទស្សនាសហករណ៍កសិផលសរីរាង្គសាមគ្គីឃុំវិញហាយទីរួមខេត្តវិញចូវ(សុកត្រាំង)ជាសហករណ៍បានបង្កើតក្នុងខែកុម្ភៈឆ្នាំ២០២២មានសមាជិកចំនួន៣០រូបជាមួយផ្ទៃដី១៧ហិកតាដាំខ្ទឹមតាមទិសសរីរាង្គ។ ទិន្នផលសម្រេច២០តោន/ហិកតា សរុបបរិមាណផលប្រហែលជិត៧០០តោនខ្ទឹម/២រដូវ/ឆ្នាំ។ ទម្រង់នេះបានរួមចំណែកដោះស្រាយបញ្ហាផ្គត់ផ្គង់តម្រូវការនិងតម្លៃឱ្យកសិករក្នុងការអភិវឌ្ឍកសិផលសំខាន់ៗរបស់ភូមិភាគតាមទិសសរីរាង្គ។ បងថាច់យីន-នាយករងសករណ៍កសិផលសរីរាង្គ សាមគ្គី ឃុំវិញហាយ ទីរួមខេត្តវិញចូវឱ្យដឹង៖ សហករណ៍កសិផលសរីរាង្គសាមគ្គីមានសមាជិកភាគច្រើនជាជនជាតិខ្មែរ។ បណ្តាសមាជិកដែលចូលរួមបានសហករណ៍ឧបត្ថម្ភសម្ភារៈកសិកម្មពីជីសរីរាង្គ ថ្នាំការពាររុក្ខជាតិជីវសាស្ត្រ។ ក្នុងអំឡុងពេលដំណើរការផលិត បណ្តាសមាជិកសហករណ៍បានគណៈគ្រប់គ្រងពិគ្រោះយោបល់ឧបត្ថម្ភដោះដូរបច្ចេកទេសក្នុងផលិត។ ពេលមាមីងប្រមូលផលគណៈគ្រប់គ្រងចងសម្ព័ន្ធជាមួយនឹងអាជីវកម្មដើម្បីជំនួយឧបត្ថម្ភលក់ចេញផលិតផលឱ្យមាមីង។ពេលមាមីងប្រមូលផលនិងលក់រួចរាល់គឺគេសងថ្លៃជី ថ្នាំការពាររុក្ខជាតិឱ្យសហករណ៍។មុននេះពេលមិនទាន់ចូលរួមសហករណ៍កសិផលសរីរាង្គសាមគ្គី មាមីងកសិករដាំនិងលក់ខ្ទឹមយ៉ាងលំបាកពិសេសគឺថវិកាចុះពូជដំបូងនិងការស្វែងរកលក់ចេញផលិតផល។ ពូឡឹមវេន ឃុំវិញហាយ ទីរួមខេត្តវិញចូវរីករាយឱ្យដឹង៖ពេលយើងដាំដោយខ្លួនឯងជួបការលំបាកពីដើមទុន។ ពេលដែលខ្ញុំចូលរួមសហករណ៍បានសហករណ៍ឧបត្ថម្ភជីថ្នាំការពាររុក្ខជាតិព្រាចជីខ្ទឹមបានទាន់ពេល។ ទិន្នផលសម្រេចពី២-២,៥តោន/កុងនិងលក់ចេញបានតម្លៃខ្ពស់។
ការបើកទូលាយសហករណ៍គំរូថ្មីបានរួមចំណែកយ៉ាងធំដល់ការបង្វែររចនាសម្ព័ន្ធសេដ្ឋកិច្ចបង្កើតប្រធានបទដើម្បីផលិតទំនិញកសិផលជាមួយបរិមាណផលនិងគុណភាព។ នេះជាសមាសភាគសេដ្ឋកិច្ចស្នូលរបស់សេដ្ឋកិច្ច សមូហភាពជាកម្លាំងដើម្បីអភិវឌ្ឍកសិកម្មជនបទ។សហករណ៍គំរូថ្មីនឹងបង្កើតផលិតផលដែលមានគុណភាពខ្ពស់ ចងសម្ព័ន្ធតាមប្រព័ន្ធតម្លៃផ្សារភ្ជាប់ជាមួយការលក់ចេញនូវផលិតផល បំពេញតម្រូវការទីផ្សារ រួមចំណែកបង្កើនប្រាក់ចំណូលឱ្យប្រជាជនបម្រើមានប្រសិទ្ធភាពឱ្យកម្មវិធីទិសដៅជាតិស្តីពីការកសាងជនបទថ្មី៕
ដាលីន
Thông tin bạn đọc
Đóng Lưu thông tin