 |
| នារីភូមិព្រែកពិន្ទងព្រួតដៃកសាងបរិស្ថានបៃតង ស្អាត |
ក្នុងចំណោមចំណុចលេចធ្លោគឺក្រុមនារីការពារបរិស្ថាននៅភូមិព្រែកពិន្ទង ឃុំភូមី ស្រុកមីទូគឺបានបង្កើតនៅខែ មិថុនា ឆ្នាំ២០២៣ មានសមាជិកា៣០រូប ភាគច្រើនគឺជនជាតិខ្មែរ ក្រុមបានក្លាយជាកងកម្លាំងស្នូលក្នុងចលនាការពារបរិស្ថាននៅភូមិភាគយ៉ាងឆាប់រហ័ស។ ក្នុងបណ្តាលើកប្រជុំជីវភាពតាមកំណត់ បងប្អូននារីគ្រប់រូបបានទទួលព័ត៌មានទាន់ពេលអំពីសកម្មភាពរបស់សាខាសមាគមនិងបណ្តាចលនាប្រឡងប្រណាំងអាស្រ័យសមាគមនារីថ្នាក់លើបំផុសចលនា។ ព្រមជាមួយនោះ ចំណេះដឹងអំពីបែងកាកសំណល់ កាត់បន្ថយការប្រើប្រាស់ថង់ប្លាស្ទីកនិងការពារបរិស្ថានក៏បានផ្សព្វផ្សាយទូលំទូលាយ។
បងស្រីថាច់ធីវីរ៉ា សមាជិកាក្រុមនារីចែករំលែក៖ ឥឡូវនេះ បងប្អូននារីយល់ដឹងខ្លាំងណាស់ ឃើញសម្រាមគឺរើសដុតភ្លាម។ ផ្លូវធ្វើដំណើរពីមុនស្មៅដុះស៊ុមទ្រុម ភ្លៀងធ្លាក់រអិលពិបាកធ្វើដំណើរ ឥឡូវនេះស្អាតបាតស្រឡះស្រឡំអស់ហើយ។ ក្នុងបណ្តាលើកប្រជុំ យើងខ្ញុំយល់ច្បាស់ផលអាក្រក់របស់កាកសំណល់ ដូចការរស់នៅក្នុងបរិស្ថានកខ្វក់អាចបណ្តាលឱ្យកើតជម្ងឺ។ អាស្រ័យហេតុនេះ នរណាក៏យល់ដឹង គ្រួសារណាក៏ចុះឈ្មោះប្រមូលសម្រាមនិងចាក់ត្រូវកន្លែងកំណត់។
បងប្អូននារីក្នុងក្រុមការពារបរិស្ថានភូមិព្រែកពិន្ទងមមាញឹកពលកម្មជារៀងរាល់សប្តាហ៍។ អ្នកកាន់ចប កាន់អំបោស ម្នាក់ៗមានការងាររៀងខ្លួន ឧបករណ៍រៀងខ្លួន តែរួមគំនិតតែមួយនិងស្មារតីទទួលខុសត្រូវ។ លើបណ្តាដងផ្លូវក្នុងភូមិ បងប្អូននារីសកម្មដាំផ្កាក្បែរផ្លូវ ដកស្មៅ សម្អាតអនាម័យ។ល។ ការងារទាំងអស់នោះទោះជាសាមញ្ញតែពោរពេញដោយការប្តេជ្ញាចិត្ត ដោយសង្ឃឹមថារួមកម្លាំងមួយចំណែកតូចធ្វើឱ្យភូមិស្រុកមួយថ្ងៃកាន់តែស្រស់ស្អាត។ កាកសំណល់ក្រោយពេលប្រមូលមកបានបែងតាមប្រភេទ ប្រភេទណាអាចច្នៃឡើងវិញគឺយកលក់ប្រមូលចូលក្នុងមូលនិធិ ចំណែកនៅសល់យកដុតក្នុងរណ្តៅដែលភូមិភាគផ្តល់។ អាស្រ័យហេតុនេះ បរិស្ថាននៅទីនេះបានកែលម្អយ៉ាងច្បាស់ ខ្យល់អាកាសបរិសុទ្ធស្អាតជាងពេលមុនច្រើន។
បងស្រីចូវធីថាញ់ឡង-ប្រធានសាខាសមាគមនារីភូមិព្រែកពិន្ទងត្រេកអរចែករំលែក៖ “ពេលមិនទាន់បង្កើតក្រុមនេះ ផ្លូវគមនាគមន៍កខ្វក់ណាស់។ ចាប់ពីថ្ងៃមានក្រុមការពារបរិស្ថាន មាមីងគ្រប់រូបនរណាក៏រីករាយដែរ។ ក្នុងភូមិបើទៅណាឃើញដប ក្រឡឬសម្រាមគឺបងប្អូនរើសដោយខ្លួនឯង។ អ្វីដែលអាចលក់បានគឺលក់ លក់មិនបានយកទៅដុតចោល។ យូរៗទៅក្លាយជាទម្លាប់។”
 |
| ព្រួតដៃបោសសម្អាតសម្រាម រក្សាភាពបៃតងឱ្យភូមិស្រុក |
មិនត្រឹមតែសកម្មភាពលើបណ្តាដងផ្លូវប៉ុណ្ណោះទេ បងប្អូននារីនៅទាំងបង្ករតំបន់បៃតងនៅគេហដ្ឋានរបស់ខ្លួនទៀតផង។ នៅជុំវិញផ្ទះ សមាជិកាជាច្រើនបានដាំផ្កាម៉ោងដប់ ផ្កាកណ្ដេងវែង។ល។ ស្មារតីការពារបរិស្ថានមិនត្រឹមតែសាយភាយនៅក្នុងគ្រួសារនីមួយប៉ុណ្ណោះទេ ថែមទាំងក្លាយជាការយល់ដឹងរួមរបស់សហគមន៍ទាំងមូល។ នាឱកាសចុងសប្តាហ៍ម្តងៗ បណ្តាអង្គការមហាជនឃុំនិងភូមិចេញពលកម្ម ចលនាមាមីងរួមគ្នាបែងប្រភេទសម្រាម ដាំរុក្ខជាតិដើម្បីបង្កទិដ្ឋភាព “បៃតង-ស្អាត”។ ការខិតខំទាំងនោះទទួលបានការយល់ស្រប ជ្រោមជ្រែងយ៉ាងសកម្មពីប្រជាជនភូមិភាគ។ ដឹងច្បាស់តួនាទីរបស់ខ្លួន នាពេលកន្លង សមាគមសហព័ន្ធនារីឃុំភូមីតែងខិតខំជំរុញការងារផ្សព្វផ្សាយនិងពង្រីកទម្រង់ល្អ វិធីធ្វើច្នៃប្រឌិតជាច្រើន។
អ្នកស្រីទៀកទូហ្វា-ប្រធានសមាគមសហព័ន្ធនារីឃុំភូមី ស្រុកមីទូចែករំលែក៖ “បច្ចុប្បន្ន សមាគមបានបង្កើតបានក្លឹបការពារបរិស្ថានចំនួន៣មានសមាជិកាជាង៥០រូបនៅ៣ភូមិ។ ប្រសិទ្ធភាពនៃសកម្មភាពរបស់បណ្តាក្លឹបបានរួមចំណែកលើកកម្ពស់ការយល់ដឹងរបស់បងប្អូននារីអំពីការពារបរិស្ថាន។ ក្នុងពេលខាងមុខ សមាគមនឹងបន្តការពង្រីកនិងបង្កើតបន្ថែមក្លឹបនៅភូមិផ្សេងៗលើភូមិដ្ឋានឃុំ”។
អាចឃើញថា ការប្តេជ្ញាចិត្តនិងការងារច្នៃប្រឌិតរបស់សមាគមនារីឃុំភូមីបាននាំមកនូវលទ្ធផលគួរកត់សម្គាល់។ បណ្តាទម្រង់ការពារបរិស្ថានមិនត្រឹមតែលើកកម្ពស់ការយល់ដឹងសម្រាប់សមាជិកាប៉ុណ្ណោះទេ ថែមទាំងសាយភាយយ៉ាងខ្លាំងក្លាក្នុងសហគមន៍ រួមចំណែកកសាងបរិស្ថានរស់នៅផូរផង់ ធស្អាត បៃតង។ ភូមីថ្ងៃនេះ អាស្រ័យការឧស្សាហ៍និងទទួលខុសត្រូវរបស់បងប្អូននារី ធ្វើឱ្យទិដ្ឋភាពបៃតង ស្រស់ស្អាត និងពោរពេញដោយភាពរស់រវើក៕
វឌ្ឍា
Thông tin bạn đọc
Đóng Lưu thông tin