 |
| ទម្រង់ចិញ្ចឹមគោ ជួយគ្រួសារបងស្រីឡឹមធីហៀង នៅឃុំភូតឹង ស្រុកចូវថាញ់ឈានឡើងក្នុងជីវភាព។ |
តាមគណៈកម្មាធិការប្រជាជនស្រុកចូវថាញ់ ឆ្នាំ២០២៤ កម្មវិធីបានបែងប្រភពទុនជាង១០,៧ពាន់លានដុង។ ពីប្រភពទុននេះ ស្រុកវិនិយោគកសាង២សំណង់គមនាគមន៍ជនបទ ជួសជុល១៣សំណង់ហេដ្ឋារចនាសម្ព័ន្ធ ឧបត្ថម្ភផ្ទះនៅឱ្យ៦៦គ្រួសារ ៣០គ្រួសារបានផ្លាស់ប្តូរមុខរបរ ២៦គ្រួសារបានប្រើទឹកស្អាតស្របអនាម័យ ឧបត្ថម្ភ៣៣គ្រួសារក្រ គ្រួសារក្បែរក្រចូលរួមទម្រង់ចិញ្ចឹមគោ។ ទន្ទឹមនោះ មាមីងជនរួមជាតិខ្មែរមានទីលំនៅស្ថេរភាព មានលក្ខណៈអភិវឌ្ឍសេដ្ឋកិច្ចលំនឹងជីវភាព។ បងស្រីគីមធីយៀង នៅភូមិតាឃ្វិចបេ ឃុំធ្វឹងហ្វាឱ្យដឹង៖ ដោយបានកម្មវិធីវិនិយោគ ទើបខ្ញុំមានផ្ទះថ្មីនៅ។ រដ្ឋអំណាចនៅទាំងឧបត្ថម្ភគោពូជ២ក្បាលនិងឱ្យបុលទុនទៀត ទើបមានដើមទុនរកស៊ី។ ខ្ញុំឆ្លៀតដីមាត់ព្រែកដាំដំណាំ ដាំស្មៅចិញ្ចឹមគោ។ សព្វថ្ងៃ ប្រមូលផលដំណាំក៏មានចំណូលតិចតួចនិងគោក៏រីកចម្រើនល្អ។ ប្តីខ្ញុំទៅធ្វើការឈ្នួល កូនៗទៅធ្វើការក្រុមហ៊ុន ទើបជីវភាពក៏គ្រាន់បើជាងមុន។ ឯបងឡឹមធីហៀង នៅឃុំភូតឹងនិយាយ៖ ដោយមានកម្មវិធីឧបត្ថម្ភផ្ទះនៅ ខ្ញុំមានផ្ទះនៅត្រឹមត្រូវនិងបានបុលទុន ខ្ញុំវិនិយោគចិញ្ចឹមគោ ដាំដំណាំ។ កូនស្រីបានរៀនដេរមិនបង់កម្រៃបានសមាគមនារីឧទ្ទេសនាមធ្វើការនៅក្រុមហ៊ុនមានចំណូលលំនឹង។ ឥឡូវចំណូលពីការចិញ្ចឹមសត្វ ដាំដំណាំ ជួយជីវភាពគ្រួសារខ្ញុំធូរធារជាងមុន។ លោកង្វៀងវ៉ាំងមី-អនុប្រធានគណៈកម្មាធិការប្រជាជនស្រុកចូវថាញ់ ឱ្យដឹង៖ កម្មវិធីបានជំនួយយ៉ាងសកម្មដល់ការអភិវឌ្ឍសេដ្ឋកិច្ច-សង្គមតំបន់ជនរួមជាតិខ្មែរ។ តាំងពីនោះ អត្រាគ្រួសារក្រថយចុះ អត្រាគ្រួសារធូរធារកើនឡើង។ ស្រុកនឹងប្រមូលផ្តុំផ្តល់ផ្ទេរទុន ដើម្បីទាន់ពេលឧបត្ថម្ភឱ្យមាមីងអភិវឌ្ឍសេដ្ឋកិច្ចក៏ដូចជាការវិនិយោគ សម្រេចហេដ្ឋារចនាសម្ព័ន្ធនៅតំបន់ជនបទ។
ពីការយកចិត្តទុកដាក់ឧបត្ថម្ភរបស់បក្សនិងរដ្ឋអំណាចភូមិភាគក្នុងស្រុកចូវថាញ់ ទិដ្ឋភាពតំបន់ជនជាតិភាគតិច សំខាន់ គឺតំបន់ជនរួមជាតិខ្មែរមួយថ្ងៃកាន់តែវិវឌ្ឍន៍ ចំណូលរបស់ប្រជាជនមួយថ្ងៃកាន់តែកើនឡើង ជីវភាពសម្ភារៈនិងស្មារតីរបស់មាមីងខ្មែរមិនបង្អង់បានកែប្រែ។ តាំងពីនោះ មាមីងជនរួមជាតិខ្មែរមានការគប់វាល់ច្រើនឱ្យការអភិវឌ្ឍ សេដ្ឋកិច្ច-សង្គម ធានាសន្តិសុខការពារជាតិរបស់ភូមិភាគ៕
ដាលីន-ចន្ថា
Thông tin bạn đọc
Đóng Lưu thông tin