ជាភូមិភាគដែលមានជនរួមជាតិខ្មែររស់នៅច្រើន គណៈកម្មាធិការបក្ស រដ្ឋអំណាចសង្កាត់ទី២ ទីរួមខេត្តវិញចូវតែងយកចិត្តទុកដាក់លើកកម្ពស់ជីវភាពរបស់ប្រជាជន ផ្តោតលើការអនុវត្តមានប្រសិទ្ធភាពប្រភពទុនគោលនយោបាយឧបត្ថម្ភរបស់រដ្ឋាភិបាល។ ពិសេស ការផ្សព្វផ្សាយអនុវត្តគម្រោង“ចិញ្ចឹមគោមេ” ចំណុះគម្រោង៣នៃកម្មវិធី។
ពីដើមឆ្នាំ២០២៤មកដល់បច្ចុប្បន្ន សង្កាត់បានផ្សព្វផ្សាយអនុវត្តគម្រោង“ចិញ្ចឹមគោមេ” ជូន២០គ្រួសារក្រនិងក្បែរក្រនៅបណ្តាអនុសង្កាត់ជ្រោយរំចេក វិញអាង វិញប៊ិញនិងវត្តថ្មី ដោយសរុបទុនជាង៥០០លានដុង ក្នុងនោះ អនុសង្កាត់ជ្រោយរំចេក ជាអនុសង្កាត់គំរូដែលអនុវត្តគម្រោងមានប្រសិទ្ធភាពខ្ពស់។ ជាគ្រួសារក្ររបស់អនុសង្កាត់ ប្តីប្រពន្ធបងស្រីត្រាធីធានិងបងស៊ើងសឿ នៅអនុសង្កាត់ជ្រោយរំចេក សង្កាត់ទី២ បានឧបត្ថម្ភគោមេ២ក្បាលពីគម្រោង បងស្រីរីករាយឱ្យដឹង៖ គ្រួសារខ្ញុំជួបការលំបាក គ្មានដីផលិត ភាគច្រើនប្រកបរបរនេសាទ ពេលខ្លះមាន ពេលខ្លះគ្មាន ប្រាក់ចំណូលមិនលំនឹង ឃើញដូច្នេះ រដ្ឋអំណាចសង្កាត់បានឧបត្ថម្ភគោមួយគូដល់គ្រួសារ ខ្ញុំពិតជាសប្បាយចិត្តនិងសុភមង្គល ផ្តល់កម្លាំងចិត្តក្នុងការអភិវឌ្ឍសេដ្ឋកិច្ចគ្រួសារ។
 |
| បងស្រីត្រាធីធា នៅអនុសង្កាត់ជ្រោយរំចេក សង្កាត់ទី២ ទីរួមខេត្តវិញចូវ បានឧបត្ថម្ភគោមេ២ក្បាល។ |
រួមក្តីរីករាយនោះ គ្រួសារបងស្រីយ័ញធីសុខនិងបងងោវ៉ាំងចាន់ នៅអនុសង្កាត់ជ្រោយរំចេក សង្កាត់ទី២ក៏ជាគ្រួសារបានឧបត្ថម្ភគោមេ២ក្បាល ជីវភាពគ្រួសារជួបការលំបាក បងស្រីសុខសប្បាយចិត្តខ្លាំងណាស់ ពេលដែលបានឧបត្ថម្ភគោ បងស្រីចែករំលែក៖ រៀងរាល់ថ្ងៃ ប្តីខ្ញុំទៅធ្វើការឈ្នួល ខ្ញុំនៅផ្ទះមើលថែកូន បច្ចុប្បន្ន បានរដ្ឋអំណាចឧបត្ថម្ភគោ២ក្បាល ខ្ញុំអរណាស់ ខ្ញុំដាំស្មៅ ចូលរួមថ្នាក់ហ្វឹកហាត់ចិញ្ចឹមគោ ដើម្បីទទួលបានចំណេះដឹង ជំនាញបន្ថែមទៀតក្នុងការថែទាំគោ។ អរគុណរដ្ឋអំណាចដែលបានបង្កលក្ខណៈ ដើម្បីឱ្យខ្ញុំនៅផ្ទះមើលថែកូនផង មានរបរបង្កបង្កើនផលសម្រាប់ជួយកែលម្អជីវភាពគ្រួសារផង។
 |
| បងស្រីយ័ញធីសុខ នៅអនុសង្កាត់ជ្រោយរំចេក សង្កាត់ទី២ ទីរួមខេត្តវិញចូវ បានឧបត្ថម្ភគោអភិវឌ្ឍសេដ្ឋកិច្ច។ |
ស.មវឿងក្វុកឡេ-អនុប្រធានគណៈកម្មាធិការប្រជាជនសង្កាត់ទី២ ទីរួមខេត្តវិញចូវឱ្យដឹង៖ ការផ្សព្វផ្សាយ អនុវត្តមានប្រសិទ្ធភាពនៃគម្រោង“ចិញ្ចឹមគោមេ” បានបង្កកម្លាំងដ៏ធំដើម្បីជំរុញការអភិវឌ្ឍសេដ្ឋកិច្ច-សង្គម នៅតំបន់ជនជាតិភាគតិច។ រដ្ឋអំណាចគ្រប់ថ្នាក់តែងយកចិត្តទុកដាក់ ត្រួតពិនិត្យដំណើរការអនុវត្តដើម្បីធានាចំមុខសញ្ញា ដោះស្រាយការលំបាក ដាក់ចេញបណ្តាទិសដៅ ដំណោះស្រាយជាក់ស្តែងដើម្បីធានាបាននូវការឧបត្ថម្ភប្រជាជនទាន់ពេល នាំមកនូវលទ្ធផលខ្ពស់។
ទន្ទឹមនឹងនោះ ដើម្បីអនុវត្តគម្រោងមានប្រសិទ្ធភាពខ្ពស់ រដ្ឋអំណាចសង្កាត់គ្រប់ថ្នាក់ គួបផ្សំជាមួយស្ថានប័នសមត្ថកិច្ចចាត់តាំងបណ្តាថ្នាក់ហ្វឹកហាត់ ទាក់ទាញប្រជាជនឱ្យចូលរួមយ៉ាងច្រើន។ ថ្នាក់ហ្វឹកហាត់បម្រុងចំណេះដឹង ជំនាញជាមូលដ្ឋានអំពីបច្ចេកទេសចិញ្ចឹមគោដូចៈ បច្ចេកទេសចិញ្ចឹមគោមានផ្ទៃពោះ គោកើត កូនគោ សង់ទ្រុងឱ្យគោ បណ្តាវិធានការអនាម័យបង្ការជំងឺ ចាក់វ៉ាក់សាំង ម្ចាស់ការបង្ការជំងឺឆ្លងក្នុងការចិញ្ចឹម។ល។
គម្រោង“ចិញ្ចឹមគោមេ” ផ្សព្វផ្សាយអនុវត្តនៅសង្កាត់ទី២ ទីរួមខេត្តវិញចូវបានជួយគ្រួសារក្រ ក្បែរក្រឈានឡើងអភិវឌ្ឍសេដ្ឋកិច្ចគ្រួសារ រួមចំណែកយ៉ាងសកម្មក្នុងការងារបន្ថយក្រនៅភូមិភាគ៕
ហុងទើ-លីហាន់
Thông tin bạn đọc
Đóng Lưu thông tin