 |
| គ្រួសារមីងយឿងថាញ់ធ្វី នៅភូមិតាអុង ឃុំវៀងប៊ិញ ឈានឡើងធូរធារពីទម្រង់ចិញ្ចឹមជ្រូក |
តាមដំណើរកម្មាភិបាលសមាគមកសិករឃុំវៀងប៊ិញ ចូលសួរសុខទុក្ខគ្រួសារពូថាច់សយនិងមីងយឿងថាញ់ធ្វី នៅភូមិតាអុង ជាគ្រួសារឈានឡើងក្នុងជីវភាពពីទម្រង់ចិញ្ចឹមសត្វ។ សំណេះសំណាលជាមួយយើងខ្ញុំ មីងធ្វីចែករំលែក៖ ឆ្នាំ១៩៩៦ ខ្ញុំមានគ្រួសារនៅដោយឡែកពីបាតដៃទទេ ប្រភពចំណូលរបស់គ្រួសារបានមកពីរបរកាត់ដេរ។ ឆ្នាំ២០០៦ ដោយបានសមាគមកសិករឃុំបង្កលក្ខណៈឱ្យបុលទុនពីធនាគារគោលនយោបាយសង្គមចំនួន៣០លានដុង ប្តីប្រពន្ធខ្ញុំបានធ្វើទ្រុង ទិញជ្រូកមេ២ក្បាលចិញ្ចឹម។ អាស្រ័យខិតខំពលកម្មផលិត ឧស្សាហ៍ថែទាំ ម៉្លោះហើយ ទើបទម្រង់នាំមកនូវប្រសិទ្ធភាព។ តាមបងធ្វី ក្នុងមួយឆ្នាំជ្រូកកើតបាន២លើក ក្នុងមួយលើកពី៩-១០ក្បាល ចិញ្ចឹមបាន៤ខែអាចលក់បានជាមួយទម្ងន់១០០គ.ក/ក្បាល ដោយតម្លៃពី៥០-៦០ពាន់ដុង/គ.ក។ ដើម្បីរកប្រាក់ចំណូលបន្ថែមសម្រាប់គិតអានឱ្យកូនរៀនសូត្រ។ ឆ្នាំ២០១៤ ប្តីប្រពន្ធមីងនៅទាំងវិនិយោគទិញគោទឹកដោះ២ក្បាលទៀតមកចិញ្ចឹម អាស្រ័យចេះថែទាំ ដូច្នេះទម្រង់នេះកាន់តែនាំមកនូវប្រសិទ្ធភាព ផ្តើមពី២ក្បាលដំបូង សព្វថ្ងៃ កើនឡើងបាន៩ក្បាល ក្នុងនោះ ៦ក្បាលកំពុងផ្តល់ទឹកដោះ មធ្យមទទួលបាន៨០គ.ក/ថ្ងៃ ដោយតម្លៃពី១៣.០០០-១៤.៥០០ដុង/គ.ក។ ចិញ្ចឹមជ្រូកនិងចិញ្ចឹមគោទឹកដោះនាំមកនូវប្រាក់ចំណូលឱ្យគ្រួសារប្រហែល៤០០លានដុង/ឆ្នាំ អាស្រ័យសេដ្ឋកិច្ចគ្រួសារបានកែលម្អនិងគិតអានឱ្យកូនៗរៀនសូត្រ ប៉ុន្តែក្នុងប៉ុន្មានឆ្នាំនេះ ដោយអាយុកាន់តែចាស់ ម៉្លោះហើយ ប្តីប្រពន្ធខ្ញុំក៏សម្រេចចិត្តលក់គោអស់ នៅតែជ្រូកមេ៩ក្បាលនិងជ្រូកសាច់៦០ក្បាល បងធ្វីបានឱ្យដឹងដូច្នេះ។ ចំណែកគ្រួសារពូថាច់សៀន នៅភូមិដាវវៀង ឃុំវៀងប៊ិញ ពីមុនជីវភាពជួបការលំបាក ឆ្នាំ២០០០ ដោយបានសមាគមកសិករឃុំបង្កលក្ខណៈឱ្យបុលទុនពីធនាគារគោលនយោបាយសង្គមបាន៣០លានដុង ពូទិញគោទឹកដោះមកចិញ្ចឹម ក្រោយមកដោយទម្រង់មិនសម្រេចប្រសិទ្ធភាព ពូបង្វែរមកចិញ្ចឹមគោស៊ីន២ក្បាលវិញ។ ដោយការព្យាយាមខិតខំថែទាំ សកម្មចូលរួមថ្នាក់ហ្វឹកហាត់ពីបច្ចេកទេសចិញ្ចឹមសត្វ ម្ល៉ោះហើយគោឆាប់ធំ ក្នុងមួយឆ្នាំកើតបាន២ក្បាល។ ដោយលក់អស់ច្រើនលើក សព្វថ្ងៃ គោនៅ៥ក្បាល ក្នុងនោះ២ក្បាលកំពុងពោះធំ។ ដោយឃើញការចិញ្ចឹមគោមិនអាចគ្រប់ផ្គត់ផ្គង់ជីវភាពគ្រួសារនិងឱ្យកូនរៀនសូត្រ ដូច្នេះ ឆ្នាំ១០១៩ ពូធ្វើទ្រុង ទិញជ្រូកមេ៣ក្បាលមកចិញ្ចឹម។ ពូសៀនឱ្យដឹង៖ ក្នុងមួយឆ្នាំជ្រូកមេ៣ក្បាលកើតបាន២លើក ក្នុងមួយលើកកើតបានពី៨-១០ក្បាល។ ជាមួយប្រភពចំណូលប្រហែល២០០លានដុង/ឆ្នាំ ពីទម្រង់ចិញ្ចឹមគោនិងចិញ្ចឹមជ្រូកក្រោយពីផាត់ទាត់រួចរាល់បានជួយឱ្យគ្រួសារពូសៀនលំនឹងជីវភាពឈានឡើងធូរធារ។
សមមិត្តស៊ើងសាលា-ប្រធានសមាគមកសិករឃុំវៀងប៊ិញឱ្យដឹង៖ ប៉ុន្មានឆ្នាំកន្លង អាស្រ័យទម្រង់ចិញ្ចឹមគោ ជ្រូក ដូច្នេះ ទើបជីវភាពរបស់មាមីងនៅភូមិភាគមានភាពរីកចម្រើន។ ដើម្បីនាំមកនូវប្រសិទ្ធភាពសេដ្ឋកិច្ចឱ្យមាមីងពេលខាងមុខ សមាគមនឹងសហការជាមួយផ្នែកជំនាញចាត់តាំងបណ្តាថ្នាក់ហ្វឹកហាត់ពីវិទ្យាសាស្ត្របច្ចេកទេស ណែនាំបណ្តាវិធានការបង្ការជំងឺឱ្យបានត្រឹមត្រូវ។ ទន្ទឹមនឹងនោះ ជំរុញការជំនួយបុលទុនអាទិភាពដើម្បីមាមីងមានលក្ខណៈបើកទូលាយទម្រង់ផលិតមានប្រសិទ្ធភាព បង្កើនប្រាក់ចំណូល ឈានឡើងធ្វើមានដោយស្របច្បាប់៕
ថាញ់វ៉ាង - សុផល
Thông tin bạn đọc
Đóng Lưu thông tin