 |
| ពូឡាទីប ភូមិព្រែកចាក ឃុំលីវទូ ស្រុកត្រឹងដេ (សុកត្រាំង) កំពុងថែទាំចម្ការបន្លែរបស់គ្រួសារ |
តាមប្រធានសមាគមកសិករឃុំលីវទូ មកទស្សនាទម្រង់ដាំបន្លែរបស់គ្រួសារពូឡាទីប នៅភូមិព្រែកចាក ឃុំលីវទូ នៅចំពោះមុខយើងខ្ញុំរងបន្លែសាឡាត់ ស្ពៃក្តោបនិងពោតដែលកំពុងលូតលាស់ខៀវល្អ។ ពូឡាទីបឱ្យដឹង៖ គ្រួសារខ្ញុំដាំដំណាំច្រើនឆ្នាំហើយ ប៉ុន្តែពីមុនដាំលើផ្ទៃដីតែ២.០០០ម២ ដែលឪពុកម្តាយចែកឱ្យ ក្រោយមកឃើញទម្រង់ផ្តល់ប្រាក់ចំណូលលំនឹង ដូច្នេះ ប្តីប្រពន្ធខ្ញុំក៏សម្រេចចិត្តកែប្រែផ្ទៃដីជិត១.០០០ម២ ជុំវិញផ្ទះដើម្បីបើកទូលាយទម្រង់រកប្រាក់ចំណូលបន្ថែម។ ជាមួយនឹងផ្ទៃដី៣០០០ម២ គ្រួសារពូដាំបន្លែជាច្រើនប្រភេទដូចជាៈ សាឡាត់ ស្ពៃក្តោប ពោតបារាំងនិងពោត...៣រដូវ/ឆ្នាំ។ តាមពូឡាទីបមុនពេលដាំបន្លែ ពូចាប់ផ្តើមកែប្រែដីធ្វើរងការប្រើប្រាស់ជីសរីរាង្គគួបផ្សំជាមួយជីចម្រុះដើម្បីកែប្រែដីផង លើកកម្ពស់គុណភាពបន្លែផង និងអនុវត្តដំណើរការបច្ចេកទេសត្រឹមត្រូវក្នុងការដាំនិងថែទាំ ដូច្នេះចម្ការបន្លែរបស់គ្រួសារពូលូតលាស់ល្អ។ រៀងរាល់ឆ្នាំ ពូចំណេញជាង១០០លានដុង អាស្រ័យហេតុនេះជីវភាពគ្រួសារពូមួយជំហានម្តងៗបានលំនឹងនិងឈានឡើងចាកផុតក្រ។
ក៏ជាគ្រួសារមានជីវភាពលំនឹង ដោយចេះអនុវត្តទម្រង់ផលិតនាំមកនូវប្រសិទ្ធភាព ពូផាងវ៉ាំងធេ នៅភូមិជាមួយគ្នាចែករំលែក៖ ខ្ញុំបង្កើតអាជីពជាមួយដីចម្ការ១កុងនិងដីស្រែ៨កុងប៉ុន្តែពេលនោះមិនទាន់ដឹងពីរបៀបជ្រើសពូជដំណាំគុណភាពសមស្របជាមួយដីមិនដឹងពីរបៀបអនុវត្តវិទ្យាសាស្ត្របច្ចេកទេសផលិត សំខាន់តាមបែបប្រពៃណី ដូច្នេះទិន្នផលទាប។ បន្ទាប់ពីបានចូលរួមថ្នាក់បណ្តុះបណ្តាលណែនាំពីវិទ្យាសាស្ត្រ-បច្ចេកទេសដាំដុះ ការជ្រើសពូជការថែទាំវិធីសាស្ត្របង្ការជំងឺដង្កូវក្រាឱ្យដំណាំ ដូច្នេះទម្រង់ដាំបន្លែរបស់គ្រួសារពូនាំមកនូវប្រសិទ្ធភាពដំបូង។ តាមពូវ៉ាំងធេ ជាមួយនឹងដីចម្ការ១កុងដាំបន្លែគ្រប់ប្រភេទដូចៈ ខ្ទឹម ម្ទេស ស្ពៃ ជ្រក់...៣រដូវ/ឆ្នាំ បន្ទាប់ពីគិតចំណាយរួចចំណូលប្រហែល៤០លានដុង/ឆ្នាំ។ ដោយឃើញថាទម្រង់នេះមានប្រសិទ្ធភាព នាពេលខាងមុខពូវ៉ាំងធេនឹងសម្រេចចិត្តបើកទូលាយទម្រង់ដើម្បីបង្កើនប្រាក់ចំណូលកែលម្អជីវភាព។
សមមិត្តឡឹមធីតារា-ប្រធានសមាគមកសិករ ឃុំលីវទូឱ្យដឹង៖ ទម្រង់ដាំបន្លែកំពុងនាំមកនូវប្រាក់ចំណូលលំនឹងដល់មាមីងកសិករ។ ដើម្បីបើកទូលាយទម្រង់នេះ នាពេលខាងមុខ សមាគមកសិករឃុំសហការយ៉ាងសកម្មជាមួយផ្នែកជំនាញចាត់តាំងបណ្តាថ្នាក់ហ្វឹកហាត់ពីបច្ចេកទេសដាំ ណែនាំអំពីវិធានការបង្ការ ទប់ស្កាត់ជំងឺដង្កូវក្រាត្រូវរបៀប បង្កលក្ខណៈសម្រាប់សមាជិកកសិករបើកទូលាយទម្រង់បង្កើនប្រាក់ចំណូលបន្ថែម រួមចំណែកជំរុញការអភិវឌ្ឍសេដ្ឋកិច្ច-សង្គមនៅភូមិភាគ
ថាញ់វ៉ាង
Thông tin bạn đọc
Đóng Lưu thông tin