 |
| បងស្រីស៊ុកធីមីឡេ លាងមើមឈូកមុនពេលយកទៅលក់ឱ្យឈ្មួញ |
សុកត្រាំងជាខេត្តមានជនជាតិភាគតិចរស់នៅកុះករ ស្រូបអត្រា៣៥,៤៤%នៃប្រជាជនទូទាំងខេត្ត ក្នុងនោះ ជនរួមជាតិខ្មែរស្រូបអត្រា៣០,១៩% ជនជាតិហ្វា៥,២២% និង២៥ជនជាតិភាគតិចផ្សេងទៀត ស្រូបអត្រា០,០៣៦%។ ចំពោះជនជាតិភាគតិច ពិសេសគឺជនរួមជាតិខ្មែរ ការផ្សព្វផ្សាយកម្មវិធីទិសដៅជាតិអភិវឌ្ឍសេដ្ឋកិច្ច-សង្គមនៅតំបន់ជនជាតិភាគតិចដំណាក់កាល២០២១-២០៣០ ដំណាក់កាលទី១ ចាប់ពីឆ្នាំ២០២១-២០២៥ លើភូមិដ្ឋានខេត្តសុកត្រាំងមានអត្ថន័យនិងតួនាទីយ៉ាងសំខាន់។ កម្មវិធីជាគោលការណ៍ធំរបស់បក្សនិងរដ្ឋយើងអំពីការងារជនជាតិនិងគោលនយោបាយជនជាតិដែលបានយកចិត្តទុកដាក់វិនិយោគសម្រាប់អភិវឌ្ឍសេដ្ឋកិច្ច-សង្គមនៅតំបន់ជនជាតិភាគតិចផ្សារភ្ជាប់នឹងការងារដោះស្រាយបានល្អពីបណ្តាបញ្ហាសង្គម បន្ថយក្រដោយចីរភាព។ ប៉ុន្មានឆ្នាំកន្លង គណៈកម្មាធិការបក្ស រដ្ឋអំណាចគ្រប់ថ្នាក់បានដឹកនាំចង្អុលការផ្សព្វផ្សាយអនុវត្តបានល្អបណ្តាគោលការណ៍ គោលនយោបាយរបស់បក្សនិងរដ្ឋចំពោះតំបន់ជនជាតិភាគតិច ពិសេស គឺអនុវត្តគោលការណ៍ រចនាសម្ព័ន្ធកសិកម្មជនបទ។ អនុវត្តកម្មវិធី ដំណាក់កាល២០២២-២០២៣ ដោយសរុបថវិកាគឺ៦៣៤.៩៩១លានដុង បានជំនួយបង្វែររបរចំនួន៤.៦០៥គ្រួសារ ផ្សព្វផ្សាយជាង៦៧ទម្រង់សម្រាប់ពង្រីកការផលិត មធ្យោបាយចិញ្ចឹមជីវិតនៅសហគមន៍។ល។ ដូច្នេះ ទើបជីវភាពប្រជាជនតំបន់ជនជាតិភាគតិចមានភាពវិវឌ្ឍយ៉ាងសកម្ម។ ភាពជាក់ស្តែងបានឃើញថា ផ្តើមពីការផ្សព្វផ្សាយមានប្រសិទ្ធភាពបណ្តាទម្រង់មធ្យោបាយចិញ្ចឹមជីវិតជនជាតិភាគតិចនៅលើភូមិដ្ឋានខេត្តមិនទន្ទឹងរង់ចាំពីការជំនួយរបស់រដ្ឋ។ ជនជាតិភាគតិចខិតខំធ្វើសេដ្ឋកិច្ច ចេះអនុវត្តវិទ្យាសាស្រ្តបច្ចេកទេស ជម្រើសពូជដំណាំ សត្វចិញ្ចឹមមានតម្លៃសមស្របនឹងដីធ្លី អាកាសធាតុ។ ភូមិភាគជាច្រើនមានរបៀបធ្វើល្អៗ បណ្តាគ្រួសារក្រមានស្មារតីឈានឡើងនិងមានជីវភាពល្អប្រសើរ។ គំរូដូចសមាជិកានៃសាខាសមាគមភូមិភូឌឹក ឃុំឡុងភូ ស្រុកឡុងភូ (សុកត្រាំង) គឺបងស្រីស៊ុកធីមីឡេជាជនជាតិខ្មែរ ពង្រីកទម្រង់ដាំឈូកយកមើម។ ទន្ទឹមនឹងនោះ បងឡេនៅទាំងចិញ្ចឹមបន្ថែមគោសាច់ ទម្រង់នេះបានជួយឱ្យគ្រួសារបងស្រីចាកផុតក្រ ឈានឡើងក្នុងជីវភាព។ តាមការស្វែងយល់របស់យើងខ្ញុំបានដឹងថា ពីមុន គ្រួសារបងឡេជាគ្រួសារក្រ អាស្រ័យគ្មានដីផលិត ដូច្នេះជីវភាពជួបការលំបាក។ ប៉ុន្តែចាប់ពីពេលបានរដ្ឋឱ្យបុលទុនសម្រាប់វិនិយោគការផលិត ធ្វើអាជីវកម្ម ដោះស្រាយការងារធ្វើ បងស្រីបានជម្រើសទម្រង់ដាំឈូកយកមើម ចិញ្ចឹមគោសាច់ដើម្បីពង្រីកសេដ្ឋកិច្ចគ្រួសារ។ សព្វថ្ងៃ ក្នុងទ្រុងមានគោ៥ក្បាល ក្នុងនោះមានគោមេ២ក្បាល។ ចំណែកការដាំឈូកបងស្រីជួលដីគេចំនួន១០កុងសម្រាប់ដាំហើយបានប្រមូលផលជុំឆ្នាំ។ មើមឈូករបស់បងឡេចន្លោះ៣ថ្ងៃប្រមូលផលម្តងទទួលបានពី២០-៦០គីឡូក្រាមដោយលក់តម្លៃ២២ពាន់ដុង/គីឡូក្រាមបានជួយប្រភពចំណូលលំនឹងដល់គ្រួសារបង។ សំណេះសំណាលជាមួយយើងខ្ញុំ បងឡេបានឱ្យដឹង៖ ដោយឃើញស្ថានភាពជួបការលំបាក ដូច្នេះ រដ្ឋបានពិនិត្យឱ្យខ្ញុំបុលចំនួន៣០លានដុងដើម្បីមានទុនវិនិយោគការផលិត។ ឃើញគ្រួសារខ្ញុំឧស្សាហ៍ព្យាយាម ប្រឹងប្រែងធ្វើការបង្កបង្កើនផល រដ្ឋបានឱ្យបុលទុនបន្ថែមដើម្បីបើកទូលាយផ្ទៃដីដាំឈូកយកមើមនិងចិញ្ចឹមគោសាច់។ អាស្រ័យទម្រង់ផលិតសម្រេចប្រសិទ្ធភាព ទើបគ្រួសារសងប្រាក់បុលរួចរាល់និងចិញ្ចឹមកូនរៀនសូត្របានត្រឹមត្រូវ។
ជនរួមជាតិខ្មែរនៅស្រុកមីស្វៀង (សុកត្រាំង) ស្រូបអាត្រាជាង៣៣%។ រយៈពេលកន្លង ស្រុកមីស្វៀងបានផ្សព្វផ្សាយអនុវត្ត៦គម្រោងលើភូមិដ្ឋានស្រុក អាទិភាពវិនិយោគឱ្យភូមិលំបាកពិសេសចំនួន៣ ក្នុងនោះ មានការវិនិយោគហេដ្ឋារចនាសម្ព័ន្ធមូលដ្ឋាន ជំនួយពង្រីកការផលិត មធ្យោបាយចិញ្ចឹមជីវិតសហគមន៍ បង្វែររបរ ជំនួយទឹកស្អាត បណ្តុះបណ្តាលរបរ ដោះស្រាយការងារធ្វើឱ្យពលករនៅតំបន់ជនជាតិភាគតិច។ល។ គ្រួសារបងស៊ើងគឿង នៅភូមិអំពូជ្រុំ ឃុំថាមដូង ស្រុកមីស្វៀង ជាគ្រួសារក្រ គ្មានដីផលិត តែងធ្វើការឈ្នួលជុំឆ្នាំ ទ្រព្យសម្បត្តិក្នុងគ្រួសារមានតែគោ២ក្បាល។ ឆ្នាំ២០២៣បងគឿងបានរដ្ឋឱ្យបុលទុនចំនួន១០លានដុង បងគឿងទិញទូកនិងម៉ាស៊ីនធ្វើមធ្យោបាយសម្រាប់កាត់ស្មៅឱ្យគោស៊ី។ ក្រៅពីនោះ ទូកនេះនៅទាំងដឹកជញ្ជូនស្រូវ ស្មៅឱ្យមាមីងក្នុងភូមិដើម្បីរកប្រាក់ចំណូលផ្គត់ផ្គង់ជីវភាពគ្រួសារ។
ជាមួយការយកចិត្តទុកដាក់របស់បក្សនិងរដ្ឋ បន្តការផ្សព្វផ្សាយគោលការណ៍វិនិយោគ ជំនួយអភិវឌ្ឍសេដ្ឋកិច្ច-សង្គមតំបន់ជនជាតិភាគតិច ព្រមជាមួយនោះដែរ ដោយការម្ចាស់ការប្តេជ្ញារបស់គណៈកម្មាធិការបក្ស រដ្ឋអំណាច អង្គការមហាជននិងការស្របមតិរបស់ប្រជាជនក្នុងការផ្សព្វផ្សាយអនុវត្តកម្មវិធីព្រមៗគ្នាដោយប្រសិទ្ធភាព សង្ឃឹមថា ខេត្តសុកត្រាំងនឹងឆាប់អនុវត្តសម្រេចបណ្តាលក្ខឋានទិសដៅជាតិអភិវឌ្ឍសេដ្ឋកិច្ច-សង្គម ធានាលំនឹងការផលិតនិងជីវភាពរបស់ជនជាតិភាគតិច អនុវត្តទិសដៅ “អភិវឌ្ឍគ្រប់វិស័យនយោបាយ សេដ្ឋកិច្ច វប្បធម៌ សង្គមនិងសន្តិសុខ-ការពារប្រទេសនៅលើភូមិដ្ឋានតំបន់ជនជាតិភាគតិច”៕
គីមង៉ុក-សុផល
Thông tin bạn đọc
Đóng Lưu thông tin