តាមរបាយការណ៍លទ្ធផលនៃការអនុវត្តកម្មវិធីទិសដៅជាតិ ក្នុងរយៈពេល៩ខែដើមឆ្នាំ២០២៤ គណៈកម្មាធិការប្រជាជនឃុំឡុងភូអនុវត្តបែងចែកថវិកាដែលគួបផ្សំទាំង២ប្រភពថវិកាមជ្ឈិមនិងភូមិ ភាគជាមួយគម្រោងដូចៈ ឧបត្ថម្ភសង់ផ្ទះនៅឱ្យគ្រួសារក្រឧបត្ថម្ភទឹកស្អាតស្របអនាម័យឧបត្ថម្ភអភិវឌ្ឍផលិតមុខរបរសម្រាប់ចិញ្ចឹមជីវិតសហគមន៍សរុបថវិកាជាង២ពាន់លានដុង។ក្នុងនោះគម្រោងជួយឧបត្ថម្ភសង់ផ្ទះនៅឱ្យគ្រួសារក្រ គ្រួសារដែលមានស្ថានភាពជួបលំបាកគឺ២១ខ្នង សរុបតម្លៃ៩៤២លានដុង ថវិកាមជ្ឈិម៧៩២លានដុងនិងថវិកាភូមិភាគ១៥០លានដុង។
គ្រួសារពូឡឹមសយនៅភូមិបឹងឡុងឃុំឡុងភូ(ស្រុកឡុងភូ) មានស្ថានភាពលំបាក គ្មានដីផលិត កូនៗរបស់ពូមានគ្រួសារចេញនៅដោយឡែកនិងទៅធ្វើការឆ្ងាយពូមីងរស់នៅជាមួយចៅនៅក្នុងផ្ទះទ្រុឌទ្រោម។ ដើមឆ្នាំ២០២៤ គ្រួសារពូបានឃុំឧបត្ថម្ភសង់ផ្ទះនៅជាមួយថវិកា៤៤លានដុង។ ពូសយចែករំលែក៖ រាល់ពេលភ្លៀងម្តងៗ ខ្ញុំព្រួយបារម្ភខ្លាចផ្ទះបាក់រលំបានរដ្ឋឧបត្ថម្ភសង់ផ្ទះនៅ ខ្ញុំសប្បាយចិត្តខ្លាំងណាស់ ចាប់ពីពេលនេះតទៅខ្ញុំមានកន្លែងសម្រាប់ជ្រកភ្លៀង ជ្រកក្តៅអរគុណរដ្ឋអំណាចភូមិភាគដែលបានយកចិត្តទុកដាក់គិតអានដល់ជីវភាពរបស់ប្រជាជន។
 |
|
គ្រួសារពូឡឹមសយ(ទីពីរពីខាងស្តាំ) នៅភូមិបឹងឡុង ឃុំឡុងភូ(ឡុងភូ) បានឧបត្ថម្ភសង់ផ្ទះនៅ |
ទន្ទឹមនឹងនោះ ឃុំនៅទាំងអនុវត្តកម្មវិធីទិសដៅជាតិបន្ថយក្រស្ថេរភាពជាមួយគម្រោងចិញ្ចឹមគោពូជ ឧបត្ថម្ភដល់១០គ្រួសារ ដោយមិនប្រមូលទុនមកវិញ គ្រួសារនីមួយៗបានឧបត្ថម្ភគោ២ក្បាលសរុបប្រភពទុនសម្រាប់គម្រោងមានចំនួន៣៩៤លានដុង។
ជាគ្រួសារដែលបានជំនួយឧបត្ថម្ភគោពូជ២ក្បាលពីកម្មវិធីទិសដៅជាតិបន្ថយក្រស្ថេរភាព បងថាច់ថាញ់យុងនៅភូមិបឹងឡុង ឃុំឡុងភូ(ស្រុកឡុងភូ)ឱ្យដឹង៖ ដោយឃើញស្ថានភាពគ្រួសាររបស់ខ្ញុំលំបាក ឃុំបានជួយឧបត្ថម្ភគ្រួសារខ្ញុំដោយគោស៊ីនមួយគូ ខ្ញុំមានទំនុកចិត្តក្នុងការធ្វើការរកស៊ី ពេលត្រឡប់មកពីធ្វើការឈ្នួល ខ្ញុំមើលថែគោ កាត់ស្មៅឱ្យគោស៊ី ជីវភាពគ្រួសារកាន់តែសប្បាយរីករាយមានភាពលំនឹងជាងមុនច្រើន។
 |
|
បងថាច់ថាញ់យុង នៅភូមបឹងឡុង ឃុំឡុងភូ(ឡុងភូ) បានឧបត្ថម្ភគោពូជ |
លោកក្វាត់គីមត្វង-ប្រធានគណៈកម្មាធិការប្រជាជនឃុំឱ្យដឹង៖ គោលនយោបាយអាទិភាពរបស់រដ្ឋនិងបានបែងចែកពីថវិកាមជ្ឈិមគួបផ្សំជាមួយថវិកាភូមិភាគ ឧបត្ថម្ភការអនុវត្តគម្រោងដល់មុខសញ្ញាទទួលផលជាគ្រួសារក្រ គ្រួសារក្បែរក្រនៅតំបន់ឆ្ងាយ តំបន់ដាច់ស្រយាលភូមិលំបាកនៅលើភូមិដ្ឋានឃុំ បានរួមចំណែកស្ថិរភាពសង្គមជំរុញកំណើនសេដ្ឋកិច្ច។ មកដល់ពេលនេះ អត្រាគ្រួសារក្ររបស់ឃុំឆ្នាំ២០២៣ ថយចុះនៅត្រឹម៦,៩៩%។
ពីគោលនយោបាយអាទិភាព បានបង្កលក្ខណៈឱ្យមាមីងខ្មែរឃុំឡុងភូ ស្រុកឡុងភូ មានទំនុកចិត្តជឿជាក់ ឈានឡើងចាកផុតក្រ ជីវភាព សេដ្ឋកិច្ចកាន់តែមានភាពប្រសើរឡើងនិងអភិវឌ្ឍន៍៕
ហុងទើ-លីហាន់
Thông tin bạn đọc
Đóng Lưu thông tin