 |
| ក្រុមទូកងស្រុកឡុងភូចូលរួមក្នុងការប្រកួតក្នុងខេត្ត។ |
មាមីងខ្មែរនៅស្រុកឡុងភូមិនត្រឹមតែឧស្សាហ៍ព្យាយាមពលកម្មនិងផលិតថែមទាំងស្រឡាញ់ចូលចិត្តបណ្តាខ្លឹមសារកីឡាដើម្បីសុខភាពនិងបង្កភាពសាមគ្គី។ ពីភាពជាក់ស្តែងនោះ រដ្ឋអំណាចគ្រប់លំដាប់ថ្នាក់តែងយកចិត្តទុកដាក់ដើម្បីបង្កទីធ្លាកម្សាន្តនិងកីឡាដ៏មានប្រយោជន៍ដល់ប្រជាជន។ ក្នុងនោះ មុនដំបូងបង្អស់ត្រូវនិយាយដល់ខ្លឹមសាររប្រណាំងទូកង។ ចំពោះជនរួមជាតិខ្មែរ ប្រណាំងទូកងជាលក្ខណៈវប្បធម៌មិនអាចខ្វះបានក្នុងជីវភាពរបស់ជនរួមជាតិ គឺជាលក្ខណៈពិសេសរបស់សហគមន៍។ យល់ដូច្នេះ ទើបរៀងរាល់ឆ្នាំ ពិធីប្រណាំងទូកងស្រុកឡុងភូបានគណៈកម្មាធិការប្រជាជនស្រុកឡុងភូចាត់តាំងយ៉ាងឱឡារិកនិងពុះពោរ។
គិតដល់ឆ្នាំ២០២៤ ពិធីប្រណាំងទូកងស្រុកឡុងភូបានចាត់តាំង១៨លើក ដោយមានការចូលរួមរបស់កីឡាកររាប់ពាន់នាក់នៃក្រុមទូកងក្នុងនិងក្រៅស្រុកមកចូលរួមប្រកួត។ ការចាត់តាំងពិធីប្រណាំងទូកងថ្នាក់ស្រុកដើម្បីបង្កឱកាសឱ្យបណ្តាក្រុមទូកងប្រកួតជាមួយគ្នាផង និងដើម្បីពិនិត្យបច្ចេកទេសក្នុងពេលប្រណាំងផងហើយរៀបចំកម្លាំងចូលរួមក្នុងពិធីអកអំបុក- ប្រណាំទូកងថ្នាក់ខេត្តនិងតំបន់។ គឺជាកីឡាករជើងចាស់របស់ក្រុមទូកងវត្តទឹកប្រៃ ទីរួមស្រុកឡុងភូ បងត្រឹងថាញ់វូឱ្យដឹង៖ ជាង១០ឆ្នាំកន្លង ទោះបីស្ថានភាពគ្រួសារយ៉ាងណា ឱ្យតែដល់រដូវហាត់ទូក ខ្ញុំតែងឆ្លៀតពេលដើម្បីហាត់ជាមួយបងប្អូនក្នុងក្រុមទូកង ពីព្រោះនេះជាប្រភេទកីឡាប្រពៃណីរបស់ជនជាតិ។ បានទៅចូលរួមប្រកួតពីថ្នាក់ស្រុកដល់ខេត្ត ខ្ញុំមានមោទនភាពណាស់។
រួមជាមួយចលនាប្រណាំងទូកងប្រពៃណីស្រុកឡុងភូបច្ចុប្បន្នស្រុកបានពង្រីកខ្លឹមសារបោះប៊ូល ទាក់ទាញអ្នកចូលរួមប្រកួតនិងហ្វឹកហាត់យ៉ាងច្រើនកុះករ។ បងថាញ់លី សមាជិកក្លឹបបោះប៊ូលភូមិភូឌឹក ឃុំឡុងភូ ស្រុកឡុងភូ ធ្លាប់ដណ្តើមរង្វាន់លេខ១ រង្វាន់ជើងឯកបោះប៊ូលបណ្តាក្លឹបខេត្តសុកត្រាំងឆ្នាំ២០២២ឱ្យដឹង៖ ខ្ញុំចូលចិត្តលេងបោះប៊ូលណាស់ ថ្ងៃណាក៏ខ្ញុំឆ្លៀតចេញមកហាត់ជាមួយបងប្អូនដើម្បីលើកកម្ពស់សុខភាពនិងបច្ចេកទេស។ ពេលស្រុកជ្រើសរើស ខ្ញុំតែងចូលរួមប្រកួត។
 |
| ចាត់តាំងការប្រកួតបោះប៊ូល។ |
គិតមកដល់សព្វថ្ងៃ លើភូមិដ្ឋានស្រុកឡុងភូមានព្រលានលេងកីឡាជាង៤០រួមមាន៖ ៥ព្រលានបាល់ទាត់ (ក្នុងនោះមាន២ព្រលានបាល់ទាត់តូច) ព្រលានបាល់ទះ១១ ព្រលានបោះប៊ូល២១ ព្រលានវាយសី ព្រលានកូនបាល់១។ល។ និង២៨ក្លឹបកីឡាហាត់ប្រាណរួមមាន៖ វាយសី ទូកង កូនបាល់ ហាត់ប្រាណជីវបំប៉ន បោះប៊ូល បាល់ទះ បាល់ទាត់ វាយអុក។ រាល់ឆ្នាំ ស្រុកបានកសាងនិងផ្សព្វផ្សាយផែនការចាត់តាំងពិធីប្រកួតជាច្រើនដើម្បីសាទរបណ្តាព្រឹត្តិការណ៍សំខាន់ៗរបស់ប្រទេសជាតិនិងពិធីបុណ្យប្រពៃណីរបស់ជនរួមជាតិខ្មែរដូច៖ ពិធីបុណ្យសែនដូនតា បុណ្យចូលឆ្នាំថ្មី បុណ្យកម្សាន្តស្រុក។ល។ ទាក់ទាញអ្នកចូលរួមយ៉ាងច្រើនកុះករ។
ការចាត់តាំងពិធីប្រកួតបណ្តាខ្លឹមសារកីឡាជនជាតិក្នុងឱកាសពិធីបុណ្យចូលឆ្នាំថ្មី ដើម្បីបង្កបរិយាកាសអ៊ូរអរ រួមចំណែកក្នុងការធ្វើសម្បូរបែបចលនាកីឡាហាត់ប្រាណលើភូមិដ្ឋានស្រុកឡុងភូនិយាយដោយឡែកនិងខេត្តនិយាយរួម ទាក់ទាញប្រជាជនចូលរួមយ៉ាងកុះករ។ អាស្រ័យហេតុនោះ បណ្តាខ្លឹមសារកីឡាហាត់ប្រាណមួយថ្ងៃកាន់តែបានស្រុកយកចិត្តទុកដាក់ទាំងទ្រង់ទ្រាយនិងគុណភាព។ លើមូលដ្ឋាននោះ មជ្ឈមណ្ឌលវប្បធម៌ - កីឡា - ស្ថានីយផ្សាយសម្លេងស្រុកឡុងភូបន្តការពង្រីកផែនការអនុវត្តការចលនា “ទូទាំងប្រជាជនហាត់ប្រាណតាមគំរូអ៊ំហូដ៏មហិមា”។ ពង្រីកចលនាហាត់ប្រាណ ជាពិសេសគឺហាត់ប្រាណមហាជនក្នុងតំបន់ជនរួមជាតិខ្មែរ រួមចំណែកលើកកម្ពស់សុខភាពនិងធ្វើឱ្យសម្បូរបែបជីវភាពវប្បធម៌របស់ប្រជាជន មួយផ្នែកទៀតនៅទាំងរួមចំណែកអភិរក្សនិងពង្រីកបណ្តាខ្លឹមសារកីឡាជនជាតិ ល្បែងប្រជាប្រិយរបស់ជនរួមជាតិខ្មែរ៕
សុក្កា - អិនទឹង
Thông tin bạn đọc
Đóng Lưu thông tin