ជាភូមិភាគមានជនជាតិខ្មែរជិត៥០% ប្រជាជនរស់នៅប្រកបរបរកសិកម្ម នេសាទសមុទ្រនិងលក់ដូរតូច។ ប៉ុន្មានថ្ងៃកន្លង មាមីងនៅស្រុកត្រឹងដេក៏កំពុងប្រមូលផលដំណាំចាប់ពីដើមឆ្នាំមកដល់សព្វថ្ងៃ ទូទាំងស្រុកចុះពូជដំណាំជិត១.៥៩០ហិកតា ចម្បងគឺបណ្តាប្រភេទដំណាំដូច សាឡាដ ស្ពៃចង្កឹះ ម្រះ ពោត ខ្ទឹមស្លឹក។ អាស្រ័យអាកាសធាតុអំណោយផល តម្លៃទីផ្សារលំនឹង មាមីងទទួលបានអំណោយផលនិងលក់បានថ្លៃ ដូច្នេះ មាមីងរីករាយណាស់។
ទន្ទឹមនឹងក្តីរីករាយនោះ ពេលកន្លង រដ្ឋអំណាចគ្រប់ថ្នាក់ក្នុងស្រុកត្រឹងដេតែងយកចិត្តទុកដាក់ គិតអានជីវភាពជនជាតិភាគតិចតាមរយៈគោលនយោបាយជនជាតិ។ ពិសេស ក្នុងដើមឆ្នាំ២០២៥ ស្រុកសកម្មចូលរួមកម្មវិធី “ព្រួតដៃបំបាត់ផ្ទះបណ្តោះអាសន្នផ្ទះទ្រុឌទ្រោម” លើភូមិដ្ឋានស្រុករួមចំណែកកែលម្អជីវភាពរបស់ប្រជាជនផងនិងរួមចំណែកលើការអភិវឌ្ឍសេដ្ឋកិច្ចសង្គមរបស់ស្រុកផង។
 |
| មាមីងពុទ្ធបរិស័ទប្រតិបត្តិពិធីកិច្ចសាសនា។ |
មកទីរួមស្រុកត្រឹងដេក្នុងប៉ុន្មានថ្ងៃនេះ ឃើញមានភាពផ្លាស់ថ្មីនៅតំបន់នេះ។ តាមដងផ្លូវចាក់កៅស៊ូ ក្រាលបេតុងមានផ្ទះសង់ថ្មីពីកម្មវិធី “ព្រួតដៃបំបាត់ផ្ទះបណ្តោះអាសន្ន ផ្ទះទ្រុឌទ្រោម” បានជួយគ្រួសារក្រ គ្រួសារក្បែរក្រមានផ្ទះថ្មីនៅស្អាតបាតនឹងទទួលបុណ្យចូលឆ្នាំថ្មីដោយក្តីរីករាយនិងសុភមង្គល។ តាមផែនការបែងទុនសម្រាប់ទីរួមស្រុកត្រឹងដេគឺមានចំនួន៤៧ខ្នង សព្វថ្ងៃបានកសាងសម្រេចចំនួន២៣ខ្នង ជាមួយថវិកាជាង២ពាន់លានដុង។
សំឡឹងផ្ទះទើបសង់ថ្មី បងស្រីថាច់ធីគីមហឿង នៅភូមិដងក្តោង ទីរួមស្រុកត្រឹងដេរីករាយឱ្យដឹង៖ ឆ្នាំនេះ គ្រួសារខ្ញុំបានទទួលបុណ្យចូលឆ្នាំថ្មីក្នុងផ្ទះថ្មី ស្អាតបាត ខ្ញុំរីករាយណាស់។ ផ្ទះខ្ញុំមានតែពីរនាក់ប្តីប្រពន្ធ ប្តីរបស់ខ្ញុំទៅនេសាទនៅឯសមុទ្រ ចំណែកខ្ញុំលក់បន្ថែមនៅឯផ្សារដើម្បីរកប្រាក់ចំណូលបន្ថែមបានប្រហែល២០០ពាន់ដុង/ថ្ងៃ មានផ្ទះថ្មីនៅ គ្រួសារខ្ញុំស្ងប់ចិត្តមិន ខ្លាចភ្លៀងខ្យល់ដូចពីមុនទៀតឡើយ។ អរគុណរដ្ឋអំណាចភូមិភាគដែលបានជំនួយដល់គ្រួសារខ្ញុំដើម្បីគ្រួសារខ្ញុំមានជីវភាពលំនឹង។
មកបណ្តាឃុំដែលមានជនរួមជាតិខ្មែររស់នៅកុះករដូចទ្រុងប៊ិញ ដាយអ៊ឹង២ វៀងប៊ិញ ទីរួម ស្រុកលិតហូយធឿង។ល។ ទើបឃើញបរិយាកាសយ៉ាងអ៊ូអរនៃឆ្នាំថ្មី។ ផ្ទះណាក៏រៀបចំស្អាតបាតសម្រាប់ទទួលឆ្នាំថ្មី។ មានគ្រួសារជាច្រើនកំពុងមមាញឹកវេចនំអន្សមជ្រូក អន្សមចេក នំទៀន នំខ្ញី ។ល។ ពិសេសបណ្តាវត្តទក្ខិណនិកាយខ្មែរ បរិយាកាសយ៉ាងអ៊ូអរដោយមានសកម្មភាពវប្បធម៌និងប្រារព្ធកិច្ចក្នុងព្រះពុទ្ធសាសនាមានមាមីងចូលរួមយ៉ាងច្រើនកុះករ។ ឃើញទិដ្ឋភាពភូមិស្រុកសព្វថ្ងៃកាន់តែយល់ច្បាស់នូវផលប្រយោជន៍យ៉ាងច្រើនពីគោលនយោបាយជនជាតិជាមួយគម្រោង កម្មវិធីឆ្លើយតបតម្រូវជីវភាពសម្ភារៈនិងស្មារតីជូនប្រជាជននៅភូមិភាគ។
តាមព្រះតេជគុណឡឹមមិញយឿង-ចៅអធិការវត្តពោធិព្រឹក្ស នៅចូវថាញ់ ទីរួមស្រុកលិតហូយធឿងមានសង្ឃដីកា៖ ជីវភាពសេដ្ឋកិច្ចរបស់ជនរួមជាតិខ្មែរពីមួយថ្ងៃកាន់តែមានភាពរីកចម្រើនអាស្រ័យផ្សព្វផ្សាយមានប្រសិទ្ធភាពបណ្តាកម្មវិធី គោលនយោបាយ គម្រោងរបស់បក្សនិងរដ្ឋសម្រាប់ជូនជនរួមជាតិភាគតិច។ បុណ្យចូលឆ្នាំថ្មីឆ្នាំនេះមាមីងមានក្តីសប្បាយរីករាយណាស់ ពីព្រោះបានជំនួយផ្ទះថ្មី ជំនួយការអភិវឌ្ឍសេដ្ឋកិច្ច យកចិត្តទុកដាក់ គិតអានពីសុខភាព។ល។ ដូច្នេះទើបជីវភាពរបស់មាមីងបានកែលម្អ។
សមមិត្តទ្រីវហ្វាងណា-ប្រធានអនុមន្ទីរជនជាតិនិងសាសនាស្រុកត្រឹងដេបានឱ្យដឹង៖
ពេលកន្លង បក្សនិងរដ្ឋតែងយកចិត្តទុកដាក់ជីវភាពសម្ភារៈនិងស្មារតីរបស់ជនជាតិភាគតិចតាមរយៈគោលនយោបាយជាច្រើន រួមចំណែកធ្វើឱ្យជីវភាពរបស់ប្រជាជនពីមួយថ្ងៃកាន់តែបានលំនឹងនិងអភិវឌ្ឍ។ រាល់ឆ្នាំ ពេលដល់បុណ្យឆ្នាំថ្មីប្រពៃណី រដ្ឋអំណាចភូមិភាគគ្រប់ថ្នាក់បានចាត់តាំងជូនអំណោយនិងសួរសុខទុក្ខបណ្តាគ្រួសារគោលនយោបាយ គ្រួសារមានសគុណនិងបណ្តាវត្តទក្ខិណនិកាយខ្មែរលើភូមិដ្ឋាន បង្កផ្សារភ្ជាប់រវាងប្រជាជនជាមួយគណៈកម្មាធិការបក្ស រដ្ឋអំណាចដើម្បីរឹតបន្តឹងផែនមហាសាមគ្គីទូទាំងជនជាតិ។
ត្រឹងដេសព្វថ្ងៃមានភាពផ្លាស់ថ្មីចំពោះមាមីងខ្មែរ ភាពផ្លាស់ថ្មីបានបង្ហាញច្បាស់តាមរយៈការចាត់តាំងទទួលបុណ្យចូលឆ្នាំថ្មីប្រពៃណី។ ឆ្នាំថ្មី សង្ឃឹមថាការផលិតរដូវថ្មីនឹងទទួលបាន អំណោយផលនិងបន្តរក្សាពង្រីកអត្តសញ្ញាណវប្បធម៌ជនជាតិក្នុងយុគម័យថ្មី៕
ហុងទើ-សុផល
Thông tin bạn đọc
Đóng Lưu thông tin