 |
| ក្រុមទូកងបរុស វត្តបទុមរង្សីទំនប់២ កំពុងបង្កើនល្បឿនមុនក្រុមទូកងវត្តក្រពុំមានជ័យកោះធំ ខេត្តបាកលីវ។ |
តាមសមមិត្តចូវធីគុក-នាយកមជ្ឈមណ្ឌលវប្បធម៌កីឡានិងវិទ្យុស្រុកចូវថាញ់ ចំនួនក្រុមទូកងរបស់ស្រុកចូលរួមប្រកួតកាន់តែច្រើនកុះករនៅពិធីប្រណាំងទូកងថ្នាក់ខេត្ត តំបន់។ ជាក់ស្តែងឆ្នាំ២០២៣ ទូទាំងស្រុកមាន៩ក្រុមទូកងចូលរួមនិងឆ្នាំ២០២៤ មាន១០ក្រុមទូកង។ ពិសេស មាន២ក្រុមទូកងបរុស វត្តបទុមរង្សីទំនប់២និងទូកងនារី វត្តបទុមរង្សីទំនប់ទទួលបានរង្វាន់ជើងឯក២ឆ្នាំបន្តបន្ទាប់។
 |
| ចលនាកីឡាករក្រុមទូកងបុរស វត្តបទុមរង្សីទំនប់២ អំណរជ័យជម្នះនៅពិធីប្រណាំងទូកងសុកត្រាំងឆ្នាំ២០២៤។ |
ឆ្នាំ២០២៤ គណៈកម្មាធិការប្រជាជនស្រុកចូវថាញ់និងបណ្តាភូមិភាគចលនារាល់ក្រុមហ៊ុន អាជីវកម្មសប្បុរសជន។ល។ ឧបត្ថម្ភជាង៥០០លានដុង អង្ករចំនួន២តោន មី២០០ធុងនិងរបស់របរប្រើប្រាស់ផ្សេងទៀតដល់ក្រុមទូកងនៅលើភូមិដ្ឋានស្រុក។ ពីការយកចិត្តទុកដាក់នោះ កាន់តែបង្កនូវទំនុកចិត្ត ការលើកទឹកចិត្តដល់ជនរួមជាតិខ្មែរក្នុងការថែរក្សានិងអភិវឌ្ឍកីឡាប្រពៃណីរបស់ជនជាតិ។
ព្រះតេជគុណឡឹមហ៊ីប-ព្រះចៅអធិការវត្តបទុមរង្សីទំនប់ ឱ្យដឹង៖ ពុទ្ធបរិស័ទខ្មែរ ស្រឡាញ់វិញ្ញាសារកីឡាទូកង ដូច្នេះ ពេលជិតដល់ពិធីប្រកួត បណ្តាកីឡាករ គ្រូបង្វឹកមកជួបជុំគ្នានៅវត្តដើម្បីហាត់។ ពិសេស ពេលដែលរដ្ឋអំណាចយកចិត្តទុកដាក់ឧបត្ថម្ភថវិកា គឺកីឡាករកាន់តែមានការលើកទឹកចិត្តបន្ថែមទៀតក្នុងការហ្វឹកហាត់ ប្រកួត ដើម្បីរក្សាបាននូវលទ្ធផលខ្ពស់បំផុត។ ទន្ទឹមនឹងនោះ ពេលក្រុមទូកងដណ្តើមបានជ័យលាភីជើងឯកក៏បានថ្នាក់ដឹកនាំស្រុក ក្រុមហ៊ុន អាជីវកម្ម។ល។ ជូនរង្វាន់ជួយឱ្យកីឡាករមានការប្តេជ្ញាចិត្តខ្ពស់ក្នុងការថែរក្សានិងអភិវឌ្ឍកីឡាជនជាតិ មានស្មារតីរៀបចំឱ្យបានល្អសម្រាប់ពិធីប្រណាំងលើកក្រោយ។
ទន្ទឹមនឹងការប្រណាំងទូកង ចលនាប្រណាំងទូកស្នោរ composite បោះប៊ូល វាយអុក។ល។ ក៏កំពុងរីកចម្រើនយ៉ាងខ្លាំងក្នុងជនរួមជាតិខ្មែរ។ សមមិត្តចូវធីជុក ឱ្យដឹង៖ ស្រុកបានយកចិត្តទុកដាក់ក្នុងការវិនិយោគមូលដ្ឋានសម្ភារៈ ជំនួយឧបករណ៍ហ្វឹកហាត់ កសាង ជួសជុលទីលាន ដើម្បីឱ្យប្រជាជនមានលក្ខណៈហ្វឹកហាត់កាន់តែល្អប្រសើរ។ ទន្ទឹមនឹងនោះ ចាត់តាំងសកម្មភាពដោះដូរកីឡាជាច្រើនក្នុងពិធីបុណ្យទាន បុណ្យតេត ដើម្បីបង្កលក្ខណៈសម្រាប់ជនរួមជាតិខ្មែរបានសប្បាយរីករាយ កម្សាន្តនិងធ្វើឱ្យចលនាកីឡាកាន់តែសាយភាយ។
ដើម្បីលើកស្ទួយវិស័យកីឡាជនជាតិក្នុងជនរួមជាតិ គណៈផ្នែកគ្រប់ថ្នាក់និងភូមិភាគនៅលើភូមិដ្ឋានស្រុកត្រូវជំរុញការឃោសនាឧបត្ថម្ភជំនាញការប្រកួត ស្តារឡើងវិញ អភិរក្សល្បែងប្រជាប្រិយដើម្បីបង្កកន្លែងដ៏មានប្រយោជន៍ដល់ជនរួមជាតិមានឱកាសសម្រាប់ដោះដូរការប្រកួត។ ទន្ទឹមនឹងនោះ បង្កើនការកៀរគរប្រភពកម្លាំងសង្គមដើម្បីបន្តការយកចិត្តទុកដាក់វិនិយោគកសាងអភិវឌ្ឍចលនាកីឡាជនជាតិស្របតាមស្ថានភាពសេដ្ឋកិច្ច-សង្គម ទំនៀមទម្លាប់ប្រពៃណីរបស់ភូមិភាគរួមចំណែកលើកកម្ពស់ជីវភាពសម្ភារៈនិងស្មារតីរបស់ប្រជាជននៅតំបន់ជនជាតិភាគតិច។
ដាលីន-លីហាន់
Thông tin bạn đọc
Đóng Lưu thông tin