រាត្រីទី១២ មីនា នៅមជ្ឈមណ្ឌលពិធីបុណ្យជ្រោយរំចេក អនុសង្កាត់កាឡាំងAបៀង សង្កាត់ទី២ ទីរួមខេត្តវិញចូវ (សុកត្រាំង) មន្ទីរវប្បធម៌ កីឡានិងទេសចរណ៍ សហការជាមួយគណៈកម្មាធិការប្រជាជនទីរួមខេត្តវិញចូវ ចាត់តាំងពិធីទទួលសេចក្តីសម្រេចរបស់រដ្ឋមន្ត្រីក្រសួងវប្បធម៌ កីឡានិងទេសចរណ៍ ទទួលស្គាល់ពិធីបុណ្យជ្រោយរំចេករបស់ជនរួមជាតិខ្មែរនៅទីរួមខេត្តវិញចូវខេត្តសុកត្រាំង បានបញ្ចូលក្នុងបញ្ជីបេតិកភណ្ឌវប្បធម៌អរូបីជាតិ។ អញ្ជើញចូលរួមមានបណ្តាសមមិត្ត យឿងសាខា-សមាជិកគណៈអចិន្ត្រៃយ៍បក្សខេត្ត លេខាបក្សទីរួមខេត្តវិញចូវ ង្វៀងវ៉ាំងឃើយ-សមាជិកបក្សខេត្ត អនុប្រធានគណៈកម្មាធិការប្រជាជនខេត្ត ថ្នាក់ដឹកនាំមន្ទីវប្បធម៌កីឡានិងទេសចរណ៍ ថ្នាក់ដឹកនាំទីរួមខេត្តវិញចូវនិងរដ្ឋអំណាចភូមិភាគ។
 |
| សមមិត្តយឿងសាខា-សមាជិកគណៈអចិន្ត្រៃយ៍បក្សខេត្ត លេខាបក្សទីរួមខេត្តវិញចូវ (ខាងឆ្វេង) និងង្វៀងវ៉ាំងឃើយ-សមាជិកបក្សខេត្ត អនុប្រធានគណៈកម្មាធិការប្រជាជនខេត្តសុកត្រាំង (ខាងស្តាំ) ជូនសេចក្តីសម្រេចទទួលស្គាល់ពិធីបុណ្យជ្រោយរំចេកដែលបានបញ្ចូលក្នុងបញ្ជីបេតិកភណ្ឌវប្បធម៌អរូបីជាតិ។ |
ពិធីបុណ្យជ្រោយរំចេកបានអភិរក្សនិងបន្សល់ទុកមកជាច្រើនជំនាន់។ រៀងរាល់ឆ្នាំ ពិធីបុណ្យបានប្រារព្ធធ្វើឡើងចាប់ពីថ្ងៃទី១៤កើតនិងថ្ងៃពេញបូណ៌មី ខែផល្គុន ដើម្បីបួងសួងឱ្យនាវិកធ្វើដំណើរប្រកបដោយភាពសុខសាន្ត អ្នកនេសាទទទួលបានផលច្រើននិងអរគុណសមុទ្រដែលបានផ្តល់ឱ្យប្រជាជននូវបង្គានិងត្រីយ៉ាងច្រើន។ ជាមួយនឹងស្មារតីជំនឿផ្លូវចិត្តចំពោះត្រីដំរី (ជាអទិទេពការពារប្រជាជនទៅសមុទ្រ)គេជឿថា ប្រសិនបើត្រីដំរីមិនជួយសង្គ្រោះអ្នករងគ្រោះបានទេ គាត់នឹង “ទុក្ខសោក” ដូច្នេះ ពេលដែលមានត្រីដំរីស្លាប់រសាត់ចូលច្រាំងប្រជាជននៅទីនោះ ចាត់តាំងពិធីបួងសួងនិងធ្វើពិធីកិច្ចតាមទំនៀមទម្លាប់ប្រពៃណីសម្រាប់បញ្ចុះ។
 |
| សិល្បៈអំណរពិធីបុណ្យទទួលសេចក្តីសម្រេច។ |
ថ្លែងប្រសាសន៍ក្នុងពិធីបុណ្យ សមមិត្តស៊ើងប៉ូ-នាយករងមន្ទីរវប្បធម៌ កីឡានិងទេសចរណ៍សុកត្រាំង បានអះអាងថា ពិធីបុណ្យជ្រោយរំចេក គឺជាកំណប់នៃបេតិកភណ្ឌអរូបីជាតិដែលឆ្លុះបញ្ជាំងពីទំនៀមទម្លាប់ ជំនឿ។ល។ របស់សហគមន៍ភូមិភាគ ក្លាយជាផលិតផលវប្បធម៌ ទេសចរណ៍ដែលពោរពេញដោយលក្ខណៈពិសេសរបស់ខេត្តសុកត្រាំង។ ឆ្លងតាមពិធីបុណ្យនេះ ផ្សព្វផ្សាយផលិតផលឆ្នើមនៃភូមិភាគដូច ខ្ទឹមក្រហម មើមស្ពៃស ឆៃប៉ូវ…។
ការអភិរក្សនិងរក្សានូវសកម្មភាពនៃពិធីបុណ្យដូចជាសារផ្ញើរដល់កូនចៅជំនាន់ក្រោយត្រូវ លត់ដំនិងខិតខំរៀនសូត្រ បង្កើនការយល់ដឹងនិងសកម្មភាពការពារ កសាងនិងលើកតម្កើងតម្លៃវប្បធម៌របស់ជនជាតិ។ ពិធីបុណ្យជ្រោយរំចេកនៅទីរួមខេត្តវិញចូវមានតួនាទីយ៉ាងសំខាន់ក្នុងជីវភាពសេដ្ឋកិច្ច វប្បធម៌ សង្គម អប់រំ។ល។ លើកស្ទួយប្រជាជនឱ្យរស់នៅបានល្អ ប្រកបដោយកុសលធម៌ ដើម្បីកែលម្អខ្លួនឯងកាន់តែល្អប្រសើរ ដោះដូរវប្បធម៌បណ្តាជនជាតិ ផ្សព្វផ្សាយទេសចរណ៍របស់ភូមិភាគនិងអភិរក្សអត្តសញ្ញាណវប្បធម៌ជនជាតិ៕
ថាច់ពេជ្រ-លីហាន់
Thông tin bạn đọc
Đóng Lưu thông tin