 |
| ដងផ្លូវភូមិអំពូជ្រុំបានវិនិយោគកសាងស្អាតរាបរលូន។ |
មកភូមិអំពូជ្រុំសព្វថ្ងៃ យើងខ្ញុំយល់ច្បាស់ពីទិដ្ឋភាពជនបទកំពុងផ្លាស់ថ្មីរាល់ថ្ងៃ។ ជីវភាពវប្បធម៌ស្មារតីរបស់ប្រជាជនពីមួយថ្ងៃកាន់តែកើនឡើង។ ប្រជាជនមានស្មារតីអនុវត្តល្អគោលការណ៍ គោលនយោបាយរបស់បក្សនិងច្បាប់របស់រដ្ឋ សកម្មចូលរួមពលកម្មផលិត ពង្រីកសេដ្ឋកិច្ច កសាងជីវភាពវប្បធម៌។ អំពូជ្រុំមាន៣៧៦គ្រួសារ ដោយមានប្រជាជនចំនួន១.៦៥៥នាក់ ពីភូមិក្រលំបាកមួយ សព្វថ្ងៃភូមិនេះបានផ្លាស់ប្តូរនិងក្លាយជាចំណុចភ្លឺពីកសាងវប្បធម៌រយៈពេលច្រើនឆ្នាំបន្តបន្ទាប់សម្រេចកិត្តិនាមជាភូមិវប្បធម៌ជនបទថ្មី។ ទស្សនាដងផ្លូវក្នុងភូមិ យើងខ្ញុំមិនឃើញនូវស្ថានភាពផ្លូវភក់ល្បាប់ដូចពីមុនទៀតឡើយ តាំងពីនោះជំនួសដោយដងផ្លូវចាក់បេតុងរាបរលូន គ្រប់ច្រកល្ហកជាសក្ខីភាពនៃការផ្លាស់ថ្មីជីវភាពមាមីងនៅភូមិនេះ។ សមមិត្តត្រឹងវ៉ាំងបាក លេខាសាខាបក្សភូមិអំពូជ្រុំឱ្យដឹង៖ បណ្តាដងផ្លូវជនបទតែងបានចាក់បេតុង ចិញ្ចើមថ្នល់ដាំផ្កា ដាក់អំពូលភ្លើងអគ្គិសនីអុជបំភ្លឺ បង្កភាពងាយស្រួលឱ្យមាមីងធ្វើដំណើរទៅមកនិងដឹងជញ្ជូនកសិផល។ តាំងពីចាប់ផ្តើមកសាងការចលនា “ទូទាំងប្រជាជនសាមគ្គីកសាងជីវភាពវប្បធម៌” កម្មាភិបាលបក្ខជននិងប្រជាជនក្នុងភូមិអំពូជ្រុំតែងខ្នះខ្នែងយ៉ាងសកម្ម។ ក្នុងនោះ ផលិតកសិកម្មមានការរីកចម្រើនជាមួយបណ្តាទម្រង់ផលិតមានប្រសិទ្ធភាពដូច ទម្រង់ចិញ្ចឹមគោទឹកដោះ ទម្រង់ដាំបន្លែ ក្រុមសហការដាំស្រូវ។ល។ តែងនាំមកនូវប្រាក់ចំណូលប្រហែល៣០០លានដុង/ឆ្នាំ។ សកម្មភាពវប្បធម៌ សិល្បៈ កសាងគ្រួសារវប្បធម៌មានរបៀបរៀបរយ។ សព្វថ្ងៃ ភូមិរក្សាក្លឹបសិល្បៈកីឡាទាក់ទាញប្រជាជនចូលរួមជាង១០០នាក់។ អនុវត្តកម្មវិធីកសាងជនបទថ្មីបានប្រជាជនគប់វាល់ជិត១ពាន់លានដុងដើម្បីជួសជុលអគារវប្បធម៌ កសាងដងផ្លូវជនបទ បរិច្ចាគដីជាង២.០០០ម២ និងកម្លាំងពលកម្មរាប់រយថ្ងៃដើម្បីបើកទូលាយដងផ្លូវ។
សមមិត្តត្រឹងវ៉ាំងបាករៀបរាប់បន្ថែម ឆ្លងតាមរយៈការចលនា “ទូទាំងប្រជាជនសាមគ្គីកសាងជីវភាពវប្បធម៌” របស់ភូមិបានរួមចំណែកកសាងនិងបើកទូលាយបណ្តាទម្រង់ គំរូឆ្នើមនៅភូមិភាគ។ ជាមួយលទ្ធផលដែលសម្រេចបាន ច្រើនឆ្នាំកន្លង ភូមិអំពូជ្រុំបានគណៈកម្មាធិការប្រជាជនស្រុកជូនលិខិតសរសើរមានស្នាដៃឆ្នើមក្នុងការចលនា “ទូទាំងប្រជាជនសាមគ្គីកសាងជីវភាពវប្បធម៌”។
សមមិត្តតាំងទ្រុងបាវ-លេខាបក្ស ប្រធានគណៈកម្មាធិការប្រជាជនឃុំថាម ដូងឱ្យដឹង៖ ប៉ុន្មានឆ្នាំកន្លង ប្រព័ន្ធហេដ្ឋារចនាសម្ព័ន្ធមូលដ្ឋាននៅអំពូជ្រុំបានវិនិយោគកសាងលើកកម្ពស់ ដងផ្លូវបានចាក់បេតុងបើកទូលាយ សាលារៀនបានកសាងស្អាតបាត។ ដើម្បីលើកកម្ពស់ជីវភាពឱ្យប្រជាជន គណៈកម្មាធិការបក្ស រដ្ឋអំណាចឃុំបានចលនាប្រជាជនបង្វែររចនាសម្ព័ន្ធដាំដុះ ចិញ្ចឹមសត្វ។ ទន្ទឹមនោះ ផ្សព្វផ្សាយបណ្តាកម្មវិធី គម្រោងជំនួយអភិវឌ្ឍសេដ្ឋកិច្ច-សង្គមកសាងភូមិស្រុកមួយថ្ងៃកាន់តែអភិវឌ្ឍ។
រួមជាមួយនឹងការផ្លាស់ថ្មីនេះ អំពូជ្រុំបានរួមចំណែកក្នុងការកសាងជនបទថ្មី ជនបទថ្មីលើកកម្ពស់របស់ឃុំនិងឆ្ពោះទៅកាន់កសាងសម្រេចជនបទថ្មីគំរូក្នុងពេលខាងមុខ៕
ចន្ថា-សុផល
Thông tin bạn đọc
Đóng Lưu thông tin