 |
| ព្រះចៅអធិការនិងគណៈកម្មការវត្តពាមបួនថ្មីកំពុងទស្សនាក្រុមប្រគំភ្លេងពិណពាទ្យ។ |
បង្កើតកាលឆ្នាំ២០២០ ដំបូងក្រុមសិល្បៈវត្តពាមបួនថ្មីគ្រាន់តែជាការប្រជុំរបស់មិត្តយុវជនមានចិត្តស្នេហាសិល្បៈដោយមានបំណងចង់រក្សានិងពង្រីកបណ្តាតម្លៃវប្បធម៌ប្រពៃណីរបស់ជនរួមជាតិខ្មែរ។ ដោយមានសមាជិកចូលរួមចំនួន៣០រូបចែកជា៤ក្រុមរួមមាន៖ ក្រុមរបាំយក្សស្វា ក្រុមភ្លេងពិណពាទ្យ ក្រុមរាំរបាំជូនពរនិងក្រុមឆៃយ៉ាំ។ គំនិតបង្កើតក្រុមសិល្បៈផ្តើមចេញពីគំនិតរបស់ព្រះចៅអធិការឌិញហ្វាងស៊ឺ ព្រះអង្គតែងបារម្ភថា ក្នុងនិន្នាការសិល្បៈសម័យអភិវឌ្ឍខ្លាំងក្លាតែងមានឥទ្ធិពលដល់តម្លៃសិល្បៈប្រពៃណីរបស់ជនជាតិ។ អាស្រ័យហេតុនេះ ដោយបំណងអភិរក្សនិងចង់សាយភាយលក្ខណៈវប្បធម៌ពិសេសរបស់ជនរួមជាតិខ្មែរ ព្រះចៅអធិការបានបង្កើត ”ដំបូលផ្ទះរួម” សម្រាប់អ្នកស្នេហាសិល្បៈជនជាតិ។
លក្ខណៈពិសេសរបស់ក្រុមសិល្បៈវត្តពាមបួនថ្មីគឺការចម្រុះដោយអាយុនិងមុខរបររបស់សមាជិក។ សមាជិកមានអាយុតូចបំផុត១១ឆ្នាំ ដល់អ្នកកំពុងធ្វើកម្មករហើយសមាជិកខ្លះជាសិស្សសាលា។ ទោះបីមានស្ថានភាពខុសគ្នា សមាជិកទាំងអស់សុទ្ធតែជាអ្នកមានក្តីចំណូលចិត្តជាមួយសិល្បៈជនជាតិហើយមានបំណងបានរក្សាបណ្តាតម្លៃស្មារតីដែលបុព្វបុរសបានរក្សាមកជាច្រើនជំនាន់។
 |
| ក្រុមរាំរបាំជូនពរ។ |
លោកត្រឹងគឿង ប្រធានគណៈកម្មការវត្តពាមបួនថ្មីចែករំលែក៖ ពេលកន្លង ក្រុមសិល្បៈវត្តពាមបួនថ្មីបង្កើតឡើងយ៉ាងមានប្រសិទ្ធភាព បង្ករទីលានកម្សាន្តមានប្រយោជន៍ បង្កក្តីសប្បាយក្រោយពេលធ្វើការនឿយហត់។ ព្រមជាមួយនោះ ក្រុមបានរួមចំណែកក្នុងការអភិរក្សអត្តសញ្ញាណវប្បធម៌ប្រពៃណីរប់ជនជាតិ។
ក្នុងចំណោមសមាជិកទាំងអស់ ប្អូនថាច់ធីថាញ់ថាវជាសមាជិករបស់ក្រុមរាំរបាំជូនពរវត្តពាមបួនថ្មីគឺជាតួយ៉ាង។ ទោះបីផ្ទះនៅភូមិកិញឆាង ឃុំអាងនិញ ស្រុកចូវថាញ់ តែដោយក្តីស្នេហាសិល្បៈ ទោះបីផ្លូវឆ្ងាយ ថាវក៏មកចូលរួមជាមួយក្រុម។ “ប្អូនស្រឡាញ់សិល្បៈតាំងពីតូច កាលនៅតូចប្អូនតែងមើលទូរទស្សន៍និងរៀនរាំដោយខ្លួនឯង។ ពេលប្អូនដឹងវត្តមានបង្កើតក្រុមសិល្បៈ ប្អូនបានសុំចូលរួមភ្លាមដើម្បីបំពេញនូវចំណង់ចំណូលចិត្តនិងចង់រក្សាបណ្តាតម្លៃវប្បធម៌ជនជាតិ” ប្អូនថាវចែករំលែក។
ដោយក្តីខិតខំមិនឈប់ឈររបស់ព្រះចៅអធិការ គណៈកម្មការនិងសមាជិកក្រុមសិល្បៈវត្តពាមបួនថ្មីមិនត្រឹមតែរក្សាខ្ជាប់ខ្ជួនតម្លៃនៃវប្បធម៌ថែមទាំងបានបង្កើតទីលានកម្សាន្តមានប្រយោជន៍ឱ្យយុវជន។ ពេលហាត់សមនិងសម្តែងម្តងៗគឺជាឱកាសដើម្បីបង្ហាញនូវមោទនភាពអំពីអត្តសញ្ញាណវប្បធម៌ ជាឱ្យកាសឱ្យមិត្តយុវជនស្វែងយល់បន្ថែមអំពីវប្បធម៌របស់ជនរួមជាតិខ្មែរ។ ក្រុមសិល្បៈតែងសម្តែងក្នុងឱកាសបុណ្យទាននិងពិធីបុណ្យដែលវត្តចាត់តាំង ក្រៅពីនេះ នៅចូលរួមក្នុងបណ្តាព្រឹត្តិការណ៍ធំៗរបស់ខេត្តដូចបុណ្យអកអំបុកនិងពិធីផ្សេងៗទៀត។
វត្តពាមបួនថ្មី តាមរយៈរូបភាពក្រុមសិល្បៈ កំពុងបញ្ជាក់តួនាទីរបស់ខ្លួនបន្តិចម្តងៗក្នុងការអភិរក្សនិងពង្រីកសិល្បៈប្រពៃណី។ បណ្តាតម្លៃដែលក្រុមនាំមកមិនត្រឹមតែជាក្តីរីករាយ ក្តីរំភើបក្រោយពីមួយថ្ងៃធ្វើការហត់នឿយប៉ុណ្ណោះ ថែមទាំងជាកម្លាំងចិត្តជួយមិត្តយុវជនពង្រីកបានទេពកោសល្យសិល្បៈរបស់ខ្លួន។ ក្រឡេកមើលដំណើរដែលបានឆ្លងកាត់ ក្រុមសិល្បៈវត្តពាមបួនបានបង្ហាញឱ្យឃើញ បណ្តាតម្លៃវប្បធម៌របស់ជនជាតិនឹងមិនអាចសាបសូន្យ។ ឱ្យតែមានចំណូលចិត្តនិងការខិតខំថែរក្សា តម្លៃទាំងអស់នឹងបានសាយភាយ ហើយរស់រវើកក្នុងរូបារម្មណ៍នៃយុវជនជំនាន់ក្រោយ។
វឌ្ឍា
Thông tin bạn đọc
Đóng Lưu thông tin