សុកយ៉ុងមានភាពផ្លាស់ថ្មី

ប៉ុន្មានឆ្នាំកន្លង ប្រជាជនភូមិសុកយ៉ុង ឃុំតឹងហ៊ឹងស្រុកឡុងភូ (សុកត្រាំង) សាទរយ៉ាងសកម្មក្នុងចលនា “ទូទាំងប្រជាជនសាមគ្គីកសាងជីវភាពវប្បធម៌នៅតំបន់អាសយជន”។ ចលនាកាន់តែបានសាយភាយយ៉ាងទូលំទូលាយ រួមចំណែកដ៏សំខាន់ក្នុងការអនុវត្តនូវទិសដៅអភិវឌ្ឍសេដ្ឋកិច្ច-សង្គមនៅលើភូមិដ្ឋាន មកដល់ពេលនេះ សុកយ៉ុងបានផ្លាស់ថ្មី រីកចម្រើន។

អគារវប្បធម៌ភូមិសុកយ៉ុង បានសង់រឹងមាំសម្រេចតាមស្តង់ដារ ជួយប្រជាជន មានកន្លែងកម្សាន្តនិងសកម្មភាពសហគមន៍។

លោកលឺវ៉ាំងញៀង-ប្រធានគណៈការងាររណសិរ្សភូមិសុកយ៉ុង ឃុំតឹងហ៊ឹងឱ្យដឹង៖

កំណត់ច្បាស់កិច្ចចលនា “ទូទាំងប្រជាជនសាមគ្គីកសាងជីវភាពវប្បធម៌នៅតំបន់អាសយជន” ជាកម្លាំងដើម្បីកសាងជីវភាពថ្មី ជំរុញការអភិវឌ្ឍសេដ្ឋកិច្ច-សង្គមនៅភូមិភាគកសាងជនបទថ្មី។ល។ គណៈការងាររណសិរ្សភូមិនិងអង្គការមហាជនបានចលនាមាមីងចុះកិច្ចសន្យាអនុវត្តល្អនូវគោលដៅ ខ្លឹមសារនៃកិច្ចចលនាដែលបានដាក់ចេញ។ ក្នុងនោះ កៀរគរប្រជាជនមិនបំពានច្បាប់តែងមានការសាមគ្គីដើម្បីជួយគ្នាក្នុងការអភិវឌ្ឍសេដ្ឋកិច្ច ឈានឡើងចាកផុតក្រ គ្រួសារស្រុះស្រួលសកម្មក្នុងការថែរក្សាអនាម័យបរិស្ថាន ការពារធនធានព្រៃឈើ រក្សាល្អចលនាកីឡាហាត់ប្រាណនិងក្រុមសិល្បៈមហាជននៅមូលដ្ឋាន។ល។ ឆ្លងតាមនោះ ១០០%គ្រួសារដែលបានចុះឈ្មោះគ្រួសារវប្បធម៌ ប្រតិបត្តិល្អនូវការកំណត់ស្តីពីរបៀបរស់នៅវប្បធម៌ បណ្តាទំនៀមទម្លាប់អន់ថយអបិយជំនឿបំបាត់ចោលបន្តិចម្តងៗ ពិធីមង្គលការ បុណ្យសពបានរៀបចំយ៉ាងប្រណីត អរិយធម៌។ល។

មីងយឿងធីគីមហ្វា ជាគ្រួសារវប្បធម៌ឆ្នើមរបស់ភូមិអស់រយៈពេលជាច្រើនឆ្នាំនិយាយដោយរំភើប៖ យើងខ្ញុំមានមោទនភាពណាស់ដែលជាប្រជាជននៅទីនេះ ដូច្នេះ យើងបន្តអនុវត្តឱ្យបានល្អនូវការកំណត់របស់សហគមន៍ ចូលរួមយ៉ាងសកម្មក្នុងក្រុមស្វ័យត្រាណ មិនទុកឱ្យមានជម្លោះ មិនចុះសម្រុងកើតឡើង អនុវត្តឱ្យត្រឹមត្រូវនូវបែបបទប្រជាធិបតេយ្យនៅមូលដ្ឋាន មិនឱ្យមានការតវ៉ាខុសច្បាប់ អនុវត្តល្អផ្នត់រស់នៅប្រកបដោយអរិយធម៌ក្នុងពិធីមង្គលការ បុណ្យសពនិងពិធីបុណ្យតាមការកំណត់។

សុកយ៉ុងជាភូមិមាន៧៦៨គ្រួសារ មានប្រជាជន២.៥៤០នាក់ ជនជាតិគិញស្រូបអត្រា៨៦,៣៥% នៅសល់ជាជនជាតិខ្មែរនិងជនជាតិហ្វា។ ទន្ទឹមនឹងការកសាងជីវភាពវប្បធម៌ ចលនាប្រឡងប្រណាំងជួយគ្នាអភិវឌ្ឍសេដ្ឋកិច្ច លើកកម្ពស់ជីវភាពបានមាមីងរក្សានិងអភិវឌ្ឍន៍។ ប៉ុន្មានឆ្នាំកន្លង ភូមិចលនាប្រជាជនអនុវត្តភាពជឿនលឿនវិទ្យាសាស្ត្របច្ចេកទេសក្នុងផលិតកសិកម្ម។ ឆ្លៀតប្រភពទុនពីធនាគារគោលនយោបាយសង្គមដើម្បីឧបត្ថម្ភប្រជាជនក្នុងការអភិវឌ្ឍផលិត ធ្វើអាជីវកម្ម មាន២១០គ្រួសារដែលបានបុលទុន សរុបថវិកាជាង២៦០ពាន់លានដុង។ ទន្ទឹមនឹងការអភិវឌ្ឍសេដ្ឋកិច្ចភូមិជំរុញការឃោសនា ចលនាប្រជាជនបរិច្ចាគដី រួមចំណែកកម្លាំងពលកម្មសង់ស្ពាន ធ្វើផ្លូវ ដាំដើមឈើ សង់បង្គោលទង់ សង់របងបង្កើតជាផ្លូវ “ភ្លឺ បៃតង ស្អាតនិងសុវត្ថិភាព”។

មកសុកយ៉ុងបច្ចុប្បន្ន យើងនឹងឃើញផ្ទះថ្មរឹងមាំផ្លូវគមនាគមន៍ចាក់កៅស៊ូរាបស្មើ ជួយប្រជាជនធ្វើដំណើរបានស្រួលទាំងរដូវប្រាំងនិងវស្សា។ ទន្ទឹមនឹងនោះ បណ្តាសំណង់បម្រើប្រជាជនដូចៈ អគ្គិសនី សាលារៀន ដំណាក់សុខាភិបាល។ល។ បានវិនិយោគ កសាងថ្មីបង្ហាញពីរូបភាពជនបទកាន់តែប្រែថ្មី ជាមួយនឹងភាពស្រស់បំព្រង។ បច្ចុប្បន្ន ភូមិនៅមានគ្រួសារក្រចំនួន១៣គ្រួសារ ស្រូបអត្រា១,៧៤%និង៣គ្រួសារក្បែរក្រ ស្រូបអត្រា០,៤០% ជាង៩៥%គ្រួសារមានផ្ទះមាំមួន កុមារក្នុងអាយុទៅរៀន គ្មានកុមារបោះបង់ការសិក្សា រៀងរាល់ឆ្នាំ តែងមានសិស្សប្រឡងចូលសាលាមហាវិទ្យល័យ ឧត្តមសិក្សា។ យុវជនភាគច្រើនក្នុងវ័យពលកម្មមានការងារធ្វើស្ថេរភាព។ល។ បណ្តាគ្រួសារដែលមានឆន្ទៈធ្វើការរកស៊ីតែងបានពិនិត្យ ឧបត្ថម្ភបុលទុនដើម្បីអភិវឌ្ឍផលិត លំនឹងជីវភាព។

សមមិត្តង្វៀងថាញ់ឡឹម-លេខាសាខាបក្សភូមិសុកយ៉ុង ឃុំតឹងហ៊ឹង ឱ្យដឹង៖

អាស្រ័យផ្តោតលើការអភិវឌ្ឍសេដ្ឋកិច្ចរួមជាមួយនឹងគោលនយោបាយសុខុមាលភាពសង្គម កម្មវិធីបំបាត់អត់បន្ថយក្រ ឧបត្ថម្ភអភិវឌ្ឍផលិត។ល។ ខិតខំប្រឹងប្រែងរបស់មាមីង ជីវភាពប្រជាជនក្នុងភូមិបានលើកកម្ពស់ស្ថានភាពសន្តិសុខនយោបាយបានធានាអស់រយៈពេលជាច្រើនឆ្នាំភូមិមិនមាននរណាម្នាក់រងគ្រោះអបាយមុខសង្គមចំណងភូមិផងរបងជាមួយកាន់តែស្អិតរមួត។ ឆ្លងតាមការពិនិត្យ ឆ្នាំ២០២៤ ភូមិមាន៧៥២/៧៦៨គ្រួសារបានចុះឈ្មោះសម្រេចស្តង់ដារជាគ្រួសារវប្បធម៌ជនបទថ្មី សម្រេច៩៦,៧១% ភូមិបានទទួលស្គាល់ជាភូមិវប្បធម៌ជាច្រើនឆ្នាំបន្តបន្ទាប់។

ឆ្នាំម្សាញ់ ២០២៥ កំពុងមកដល់ ប្រជាជនភូមិសុកយ៉ុង កំពុងអំណរនិទាឃរដូវថ្មីជាមួយសកម្មភាពជាក់ស្តែងជាច្រើន ដើម្បីកសាងភូមិវប្បធម៌ កសាងជនបទថ្មីធ្វើឱ្យតំបន់ជនបទនៅទីនេះកាន់តែមានការអភិវឌ្ឍសប្បូរសប្បាយ ទំនើបនិងប្រកបដោយអរិយធម៌៕

ចន្ថា-លីហាន់

សុកយ៉ុងមានភាពផ្លាស់ថ្មី

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង

សុកយ៉ុងមានភាពផ្លាស់ថ្មី

Thông tin bạn đọc

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង