ព្រឹកថ្ងៃទី៣ មករា ២០២៥ វត្តអម្ពវ័នស្វាយកោង សង្កាត់ទី២ ទីរួមខេត្តវិញចូវ (សុកត្រាំង) បានចាត់តាំងពិធីបុណ្យបញ្ចុះខណ្ឌសីមាសម្ពោធឆ្លងព្រះវិហារថ្មី។ និមន្តនិងអញ្ជើញចួលរួមពិធីបុណ្យមានព្រះឧបជ្ឈាយ៍តាំងណោ-សុធម្មាធិបតីរង ក្រុមប្រឹក្សាវិន័យធ័រពុទ្ធសាសនាវៀតណាម ប្រធានគណៈអភិបាលសមាគមពុទ្ធសាសនាវៀតណាមខេត្ត ប្រធានសមាគមព្រះសង្ឃសាមគ្គីស្នេហាជាតិខេត្តសុកត្រាំង ព្រះចៅអធិការវត្តឃ្លាំង សមមិត្តស៊ើងភឿកហ្វាង-អតីតអនុរដ្ឋមន្ត្រី អនុប្រធានគណៈកម្មាធិការជនជាតិ សមមិត្តឡឹមហ្វាងម៉ូវ-ប្រធានគណៈជនជាតិខេត្ត សមមិត្តលឺវវ៉ាំងសែម-អនុប្រធានគណៈកម្មាធិការរណសិរ្សមាតុភូមិវៀតណាមខេត្ត តំណាងថ្នាក់ដឹកនាំ បណ្តាមន្ទីរ គណៈផ្នែកខេត្ត ស្រុកព្រះឧបជ្ឈាយ៍ព្រះតេជគុណព្រះសង្ឃក្នុងនិងក្រៅខេត្តព្រមទាំងតំណាងក្រុមហ៊ុនអាជីវកម្មសប្បុរសជននិងពុទ្ធបរិស័ទជិតឆ្ងាយ។
 |
| ពិធីកាត់ខ្សែបូសម្ពាធឆ្លងព្រះវិហារថ្មីវត្តអម្ពវ័នស្វាយកោង សង្កាត់ទី២ ទីរួមខេត្តវិញចូវ (សុកត្រាំង)។ |
វត្តអម្ពវ័នស្វាយកោង បានឆ្លងកាត់ជាច្រើនជំនាន់ព្រះចៅអធិការ ព្រះចៅអធិការវត្តមួយអង្គៗបានលះបង់អស់ពីព្រះទ័យដើម្បីបន្តការបង្ហាត់បង្រៀនធម៌អាថ៌វិន័យក្នុងផ្លូវព្រះពុទ្ធសានា ហើយបានរួមកម្លាំងក្នុងការកសាង ជួសជុល លើកកម្ពស់ទីកន្លែងគោរពបូជានិងនាំគ្នាការពារនូវសំណង់ស្ថាបត្យកម្មវប្បធម៌ពុទ្ធសាសនានិងថែរក្សាទំនៀមទម្លាប់ប្រពៃណីបដិវត្តន៍។ ឆ្នាំ២០១១ បន្ទាប់ពីឃើញព្រះវិហារចាស់មានការទ្រុឌទ្រោមយ៉ាងខ្លាំង ព្រះតេជគុណថាច់មៀននិងគណៈកម្មការវត្តអំពាវនាវដល់ពុទ្ធបរិស័ទ សប្បុរសជនក្នុងនិងក្រៅខេត្ត បវរណាបច្ច័យដើម្បីកសាងព្រះវិហារថ្មីនៅថ្ងៃទី១៦ វិច្ឆិកា ឆ្នាំ២០១១។ ព្រះវិហារថ្មីបានកសាងក្នុងរយៈពេលជាង១៣ឆ្នាំ មានបណ្តោយ២៣ម៉ែត្រ ទទឹង១២ម៉ែត្រ បានរចនាតាមស្ថាបត្យកម្មដ៏វិសេសវិសាលជាមួយនឹងរូបចម្លាក់ក្បូរក្បាច់យ៉ាងប្រណីត ដែលពោរពេញទៅដោយសំណង់ស្ថាបត្យកម្មព្រះពុទ្ធសាសនាទក្ខិណនិកាយខ្មែរ ដោយសរុបថវិកាសាងសង់ជាង៧,២ពាន់លានដុង។
 |
| ព្រះវិហារថ្មីវត្តអម្ពវ័នស្វាយកោង សង្កាត់ទី២ ទីរួមខេត្តវិញចូវ (សុកត្រាំង)។ |
ថ្លែងប្រសាសន៍ក្នុងពិធីបុណ្យបញ្ចុះខណ្ឌសីមា សមមិត្តត្រឹងទ្រីវ៉ឹង-អនុប្រធានគណៈកម្មាធិការប្រជាជនទីរួមខេត្តវិញចូវ បានប្រគេនពរដល់វត្តនិងស្ងើចសរសើរស្មារតីចំពោះព្រះសង្ឃ មាមីងពុទ្ធបរិស័ទជិតឆ្ងាយ ដែលបានចូលរួមគប់វាល់ក្នុងការកសាងព្រះវិហារថ្មីដោយបានសម្រេចជោគជ័យ។ ទន្ទឹមនឹងនោះ សមមិត្តក៏បានបញ្ជាក់ផងដែរថា ពិធីបុណ្យបញ្ចុះខណ្ឌសីមា មិនត្រឹមតែជាការចាត់តាំងពិធីសម្ពោធឆ្លងព្រះវិហារថ្មីប៉ុណ្ណោះទេ ថែមទាំងបង្ហាញពីការសាមគ្គី អភិរក្សអត្តសញ្ញាណវប្បធម៌ប្រពៃណីរបស់ជនរួមជាតិខ្មែរនិយាយដោយឡែក ពិសេសគឺជាការពង្រឹងនូវអត្តសញ្ញាណវប្បធម៌ប្រពៃណីរបស់ជនជាតិវៀតណាមនិយាយរួម រួមចំណែកក្នុងការកសាងមាតុភូមិកាន់តែសប្បូរសប្បាយប្រកបដោយអរិយធម៌។
ក្នុងឱកាសនេះ ថ្នាក់ដឹកនាំខេត្ត បណ្តាមន្ទីរ គណៈផ្នែក ស្រុក ក្រុមហ៊ុន អាជីវកម្មនិងព្រះឧបជ្ឈាយ៍ ព្រះតេជគុណ ព្រះសង្ឃក្នុងនិងក្រៅខេត្ត បានប្រគេនអំណោយនិងផ្កាជាច្រើន ដើម្បីអបអរសាទរដល់វត្ត បន្ទាប់មកតំណាងទាំងឡាយបានចូលរួមក្នុងពិធីកាត់ខ្សែបូសម្ពោធឆ្លងព្រះវិហារថ្មី៕
ហុងទើ-លីហាន់
Thông tin bạn đọc
Đóng Lưu thông tin