និយាយអំពីការរៀបចំសម្រាប់ការប្រណាំងទូកងឆ្នាំ២០២៤ ឆាប់បំផុតនៅឡុងភូ ត្រូវនិយាយដល់វត្តសិរីមុនីសង្កែ ឃុំទ្រឿងខាញ់។ គិតមកដល់ខណៈពេលនេះ បងប្អូនកីឡាករហ្វឹកហាត់បាន២ខែហើយ។ ពេលវេលាហាត់យូរជាងនេះបានបង្ហាញពីការប្តេជ្ញាដ៏អស្ចារ្យរបស់ក្រុមទូកងវត្តសង្កែក្នុងរង្វាន់ប្រកួតឆ្នាំនេះ។ ប៉ុន្មានឆ្នាំជិតៗនេះ ថ្វីដ្បិតតែលទ្ធផលនៃការប្រកួតមិនលេចធ្លោក្នុងពិធីប្រណាំងទូកងរបស់ខេត្ត ប៉ុន្តែពេលនិយាយដល់ក្រុមទូកងវត្តសង្កែ អ្នករាល់គ្នានៅតែចាំពីក្រុមទូកងនេះ ដែលមានពានរង្វាន់ក្នុងពិធីបុណ្យប្រណាំងទូកងនៅស្រុកនិងខេត្តក្នុងទស្សវត្សរ៍ទី៩០។ ធ្លាប់ជាទូកល្បីដែរ ដូច្នេះ ការចង់បានស្នាដៃ តែងតែជាគោលដៅដែលក្រុមទូកងឆ្ពោះដល់។ថ្មីៗនេះ ក្រុមទូកងវត្តសង្កែ ទទួលបានជ័យលាភីលេខ១ ក្នុងការប្រណាំងទូកងប្រពៃណីលើកទី១៨ ស្រុកឡុងភូ ឆ្នាំ២០២៤។ មិនត្រឹមតែស្មារតីប៉ុណ្ណោះទេ ប៉ុន្តែថែមទាំងរៀបចំហ្មត់ចត់ ល្អិតល្អន់។ ក្នុងពិធីប្រណាំងនីមួយៗ ឆ្នាំក្រោយ សង្កែមានការរៀបចំម៉ត់ចត់និងវិនិយោគច្រើនជាងបើធៀបនឹងឆ្នាំមុនៗ។
ពូស៊ើងថាញ់-ប្រធានគណៈកម្មការវត្តសង្កែ ឃុំទ្រឿងខាញ់ ស្រុកឡុងភូ ខេត្តសុកត្រាំង ឱ្យដឹង៖ ឆ្នាំនេះ វត្តក៏បានជួសជុលទូក កីឡាករឆ្នាំនេះនិយាយរួមមានការខិតខំ សាមគ្គី។ បំណងប្រាថ្នារបស់យើងខ្ញុំបានជោគជ័យ គឺទទួលបានរង្វាន់ជើងឯកក្នុងពិធីប្រណាំងទូងប្រពៃណីថ្នាក់ស្រុក។ ដើម្បីត្រៀមឱ្យពិធីបុណ្យអកអំបុក-ប្រណាំងទូកងខេត្តសុកត្រាំង នាពេលខាងមុខ យើងខ្ញុំនឹងចលនាបងប្អូនហាត់ឱ្យបានម៉ត់ចត់ ហូបគ្រប់គ្រាន់ ថែរក្សាសុខភាព ដើម្បីត្រៀមចូលរួមប្រកួតថ្នាក់ខេត្ត នាពេលខាងមុខ ពិតជាបានល្អ។
|
||
|
ក្រុមទូកងវត្តសិរីមុនីសង្កែ ឃុំទ្រឿងខាញ់ កំពុងខិតខំហ្វឹកហាត់ដោយសង្ឃឹមថានឹងទទួលបានលទ្ធផលខ្ពស់ក្នុងពិធីប្រកួតឆ្នាំនេះ។ |
ចូលរួមពិធីប្រណាំងទូកងឆ្នាំនេះ ក្រៅពីទូកងវត្តសង្កែ(ឃុំទ្រឿងខាញ់) នៅទាំងមានទូកងវត្តកំពង់មានជ័យទឹកប្រៃ(ទីរួមស្រុកឡុងភូ) ទូកវត្តសោភ័ណរង្សីបឹងក្រចាប់ថ្មី(ឃុំតឹងហ៊ឹង) និងទូកវត្តមង្គហធិបតីបឹងក្រចាប់ចាស់(ឃុំចូវខាញ់)។ ថ្វីដ្បិតតែមិនដែលធ្លាប់ល្បីឈ្មោះដូចវត្តសង្កែឬទឹកប្រៃ ប៉ុន្តែវត្តបឹងក្រចាប់ថ្មី មិនដែលអវត្តមានលើកប្រណាំងណាឡើយ។ ឆ្នាំនេះក៏ដូច្នេះដែរ ពេលនេះបឹងក្រចាប់ថ្មី ឃុំតឹងហ៊ឹងក៏ត្រៀមចូលរួមប្រកួត។ ជាមួយការប្តេជ្ញាដើម្បីទទួលនូវចំណាត់ថ្នាក់ខ្ពស់ គណៈបង្វឹករបស់ក្រុមទូកង បានឱ្យហាត់និងហាត់អុំនៅលើបន្ទាអស់រយៈពេលជិត២ខែមកហើយ។ បណ្តាកីឡាករភាគច្រើនមានវ័យក្មេងមានសុខភាពល្អ គួបផ្សំជាមួយកីឡាករដែលមានបទពិសោធន៍ច្រើនក្នុងការប្រកួត។ នេះជាមូលដ្ឋានដ៏សំខាន់ដែលជួយក្រុមទូកទទួលបានលទ្ធផលល្អបំផុតក្នុងពិធីប្រកួត។
ប្អូនថាច់ទៀងកីឡាករវ័យក្មេងរបស់ក្រុមទូកងវត្តបឹងក្រចាប់ថ្មី ឃុំតឹងហ៊ឹងឱ្យដឹង៖ ខ្ញុំសប្បាយចិត្តខ្លាំងណាស់ដែលឆ្នាំនេះបានចូលរួមជាមួយក្រុមទូកងវត្តបឹងក្រចាប់ថ្មី លើកដំបូងខ្ញុំបារម្ភខ្លាំងណាស់និងមិនទាន់មានបទពសោធន៍ច្រើនដូច បងៗហាត់មុន ខ្ញុំនិងរៀនសូត្របទពិសោធន៍បន្ថែម ចង្វាក់ច្រវាឱ្យស្មើ។ ឆ្នាំនេះ ប្តេជ្ញាថានឹងនាំមកនូវកិត្តិយសដល់ភូមិស្រុក ភូមិភាគនិងដល់វត្តបឹងក្រចាប់ថ្មី។ បងតាំងថាញ់ហាយ គ្រូបង្វឹកក្រុមទូកងវត្តបឹងក្រចាប់ថ្មី ឃុំតឹងហ៊ឹងចែករំលែក៖ ឆ្នាំនេះ បងប្អូនប្រមូលផ្តុំកម្លាំងបានច្រើនណាស់ បរិយាកាសហ្វឹកហាត់ក៏រំភើប សង្ឃឹមថា ទូករបស់យើងនឹងឈានចូលរង្វង់ក្នុង នៅពិធីប្រណាំងទូកងខេត្តសុកត្រាំង នាពេលខាងមុខ។ ឆ្នាំនេះ កីឡាករចូលរួមកាន់តែច្រើន រួមជាមួយលក្ខណៈនិងពេលវេលាហ្វឹកហាត់របស់កីឡាករក៏បានល្អជាង បណ្តាក្រុមទូកងស្រុកឡុងភូ កំពុងរង់ចាំថ្ងៃប្រកួតដើម្បីបំពេញក្តីជក់ចិត្តនិងការប្តេជ្ញាសម្រេចបានលទ្ធផលល្អបំផុត។
|
||
|
ក្រុមទូកងវត្តសោភ័ណរង្សីបឹងក្រចាប់ថ្មី ឃុំតឹងហ៊ឹងស្រស្រាក់ស្រស្រាំក្នុងការហ្វឹកហាត់ត្រៀមខ្លួនសម្រាប់ការប្រណាំង។ |
ជាមួយការរៀបចំគ្រប់ផ្នែក រួមជាមួយនឹងការយកចិត្តទុកដាក់ ការជំនួយឧបត្ថម្ភរបស់រដ្ឋអំណាចភូមិភាគ គឺជាលក្ខណៈងាយស្រួលសម្រាប់ក្រុមទូកងរបស់ស្រុកឡុងភូ នឹងប្រកួតយ៉ាងល្អដើម្បីទទួលលទ្ធផលខ្ពស់ក្នុងពិធីប្រណាំងទូកងខេត្តសុកត្រាំង ឆ្នាំ២០២៤ តំបន់វាលរាបទន្លេគូវឡុង លើកទី៦ និងសប្តាហ៍វប្បធម៌ កីឡានិងទេសចរណ៍សុកត្រាំង លើកទី១ ឆ្នាំ២០២៤ នឹងចាត់តាំងឡើងនៅថ្ងៃទី១៤-១៥ ខែវិច្ឆិកា នាពេលខាងមុខ៕
ចន្ថា
Thông tin bạn đọc
Đóng Lưu thông tin