 |
| ជនរួមជាតិខ្មែរតែងពង្រីកនិងអភិរក្សលក្ខណៈវប្បធម៌ប្រពៃណីក្នុងជីវភាពរស់នៅ។ |
មកដល់វត្តតាគុជចាស់ ឃុំធ្វឹងហ្វា ស្រុកចូវថាញ់ (សុកត្រាំង) ក្នុងប៉ុន្មានថ្ងៃនេះ យើងខ្ញុំបានឃើញបរិកាសនៃពិធីបុណ្យអកអំបុក-ប្រណាំងទូកងក្នុងជីវភាពស្មារតីជនរួមជាតិខ្មែរ។ ប្រណាំងទូកងជាវិញ្ញាសាដែលមានកីឡាករច្រើនបំផុតបើប្រៀបនឹងវិញ្ញាសាដទៃនៃកីឡាប្រពៃណីរបស់ជនរួមជាតិខ្មែរ។ ក្នុងទូកងមួយមានកីឡាករជាង១០០រូបនៅភូមិស្រុកចូលរួម។ ពិធីប្រណាំងទូកងជាវិញ្ញាសាប្រពៃណីបានផ្សារភ្ជាប់នឹងពិធីបុណ្យ ការប្រណាំងទូកងនៅទាំងជាសកម្មភាពតភ្ជាប់សហគមន៍ សម្តែងការដឹងគុណព្រះគង្គាដែលបានជួយឱ្យប្រជាកសិករទទួលដំណាំដាំដុះបានផលច្រើន។ ព្រះតេជគុណគីមសាង-ព្រះចៅអធិការវត្តតាគុជចាស់ ឃុំធ្វឹងហ្វាមានសង្ឃដីកា៖ ជីវភាពរបស់មាមីងខ្មែរពីមុននិងសព្វថ្ងៃតែងបានផ្សារភ្ជាប់នឹងការផលិតកសិកម្ម ដូច្នេះជំនឿការដឹងគុណព្រះគង្គាមានពីយូរណាស់មកហើយរបស់មាមីងនៅតាមភូមិស្រុក។ អាស្រ័យហេតុនោះ វត្តតែងរក្សាសកម្មភាពនេះនាឱកាសបុណ្យអកអំបុកដើម្បីអភិរក្សនិងពង្រីកនៃវប្បធម៌ប្រពៃណីក្នុងជីវភាពសព្វថ្ងៃ។ នេះជាឱកាសដើម្បីសហគមន៍ជនរួមជាតិខ្មែររឹងចំណងសាមគ្គី អប់រំកូនចៅឱ្យចេះស្រឡាញ់គ្នានិងខិតខំការពារបេតិកភណ្ឌវប្បធម៌ដែលបុព្វបុរសយើងទុកមក។
ដើម្បីអភិរក្សអត្តសញ្ញាណវប្បធម៌ក្នុងជីវភាពថ្មី មានវត្តខ្មែរជាច្រើនក្នុងខេត្តនិយាយរួមនិងស្រុកចូវថាញ់និយាយដោយឡែកបានរក្សាបណ្តាក្រុម ក្លឹបវប្បធម៌ដូច ក្លឹប រាំវង់ ក្រុមឆៃយ៉ាំ ក្រុមភ្លេងពិណពាទ្យ។ល។ បណ្តាក្លឹបនេះបានទាក់ទាញសិស្សានុសិស្សនិងប្អូនៗជនជាតិខ្មែរចូលរួមដើម្បីស្នងបន្តនិងពង្រីកតម្លៃវប្បធម៌របស់ជនជាតិ។
 |
| លក្ខណៈវប្បធម៌ប្រពៃណីរបស់ជនរួមជាតិខ្មែរបានយកចិត្តទុកដាក់ថែរក្សានិងអភិរក្ស។ |
នៅតាមភូមិភាគ មានដូច ជាឃុំអាងនិញ ស្រុកចូវថាញ់មានរបៀបធ្វើល្អៗក្នុងច្រើនឆ្នាំកន្លងគឺបានផ្សារភ្ជាប់ការអភិរក្សនិងពង្រីកតម្លៃវប្បធម៌ជាមួយនឹងការចលនាកសាងជីវភាពវប្បធម៌។ ក្នុងពេលបុណ្យទានម្តងៗនៅវត្តបទុមរង្សីទំនប់ ឃុំអាងនិញ គណៈប្រធានការចលនាបណ្តាភូមិតែងសហការជាមួយវត្តដើម្បីផ្សព្វផ្សាយចលនាប្រជាជនអនុវត្តបណ្តាបទដ្ឋានកសាងភូមិ គ្រួសារវប្បធម៌។ ពិសេសគឺក្នុងការចាត់តាំងបណ្តាពិធីបុណ្យប្រពៃណី គណៈកម្មាធិការប្រជាជនឃុំមិនត្រឹមតែអនុវត្តល្អតួនាទីក្នុងការគ្រប់គ្រងតែនៅទាំងចូលរួមជាមួយគណៈកម្មការវត្តចាត់តាំងបណ្តាសកម្មភាពក្នុងពិធីបុណ្យដិតដាមដោយអត្តសញ្ញាណវប្បធម៌និងបណ្តាសកម្មភាពសមស្របនឹងផ្នត់រស់នៅអរិយធម៌។ ទន្ទឹមនោះ ឆ្លងតាមអ្នកមានប្រិយភាពដែលបានផ្សព្វផ្សាយចលនាដើម្បីលើកកម្ពស់ស្មារតីប្រជាជនពីការរក្សាចរិយាធម៌ពេលចូលរួមពិធីបុណ្យ ពិសេសមិនឆ្លៀតនៃពិធីបុណ្យដើម្បីចាត់តាំងបណ្តាសកម្មភាពអបិយជំនឿ បំពានច្បាប់។ ក្រៅពីនោះ បណ្តាភូមិនៅទាំងគួបខ្លឹមសារបំផុសចលនាគ្រួសារចុះឈ្មោះសម្រេចកិត្តិនាម “គ្រួសារវប្បធម៌”ជាមួយបណ្តាសកម្មភាពវប្បធម៌ប្រជាប្រិយរបស់ជនរួមជាតិខ្មែរ។ លោកហ្វិញថាញ់សាង នៅភូមិចូវថាញ់ ឃុំអាងនិញឱ្យដឹង៖ នៅទិវាបុណ្យមហាសាមគ្គីទូទាំងជនជាតិមណ្ឌលអាសយជនឆ្នាំ២០២៤នេះ គ្រួសារខ្ញុំមានកិត្តិយសបានស្ងើចសរសើរម្រេចបទដ្ឋាន“គ្រួសារវប្បធម៌”។ ដើម្បីសម្រេចកិត្តិនាមនេះ ខ្ញុំយល់ថាប្រការសំខាន់គឺត្រូវកសាងគ្រួសារឱ្យបានសុភមង្គល អនុវត្តល្អតាមលក្ខន្តិកៈមណ្ឌលអាសយជននិងបន្តឹងការសាមគ្គីភូមិផងរបងជាមួយ។ ចំណែកការចូលរួមពិធីបុណ្យប្រពៃណី គ្រួសារខ្ញុំបានលុបបំបាត់នូវទម្លាប់មិនល្អ ដែលមិនសមស្របជាមួយទំនៀមទម្លាប់នឹងសង្គមសព្វថ្ងៃដើម្បីបង្កបរិស្ថានផូរផង់ក្នុងថ្ងៃបុណ្យទាន។
អាស្រ័យគួបផ្សំការចលនាកសាងជីវភាពវប្បធម៌ជាមួយបណ្តាពិធីបុណ្យ សកម្មភាពវប្បធម៌ដូច្នេះទើបលក្ខណៈវប្បធម៌ប្រពៃណីរបស់ជនរួមជាតិខ្មែរតែងបានអភិរក្ស សាយភាយរួមចំណែកបង្កផ្នត់រស់នៅអរិយធម៌ នៅតាមភូមិស្រុកដែលមានជនរួមជាតិខ្មែររស់នៅកុះករ៕
ចន្ថា-សុផល
Thông tin bạn đọc
Đóng Lưu thông tin