 |
| ក្រុមទូកងវត្តចំប៉ាវនារាម ឃុំភូតឹង ស្រុកចូវថាញ់ (សុកត្រាំង) កំពុងហ្វឹកហាត់ |
សុកត្រាំងជាខេត្តដែលមានប្រពៃណីចាត់តាំងពិធីប្រណាំងទូកងយូរណាស់មកហើយ និងមានទូកច្រើនជាងគេក្នុងតំបន់វាលរាបទន្លេគីវឡុង។ បុណ្យអកអំបុកប្រណាំងទូកង ជាទម្រង់កីឡាជនជាតិដែលមានតម្លៃវប្បធម៌ដ៏វិសេសវិសាលរបស់ជនរួមជាតិខ្មែរ។
ប៉ុន្មានឆ្នាំកន្លង ដោយបានការយកចិត្តទុកដាក់ពិសេសរបស់បក្សនិងរដ្ឋ កម្មវិធី គម្រោង គោលនយោបាយជាច្រើនដើម្បីឧបត្ថម្ភជនរួមជាតិខ្មែរបានអនុវត្តស្របគ្នា ឆ្លងតាមនោះ រួមចំណែកលើកកម្ពស់ជីវភាព សម្ភារៈ ស្មារតី។ សេដ្ឋកិច្ចកាន់តែធូរធារ បរិយាកាសទទួលពិធីបុណ្យអកអំបុកឆ្នាំនេះរបស់មាមីងខ្មែរកាន់តែមានភាពអ៊ូអរ។ ក្រុមទូកងវត្តចំប៉ាវនារាម ឃុំភូតឹង ស្រុកចូវថាញ់ (សុកត្រាំង) បានចូលរួមប្រកួតជាយូរឆ្នាំមកហើយ វត្តទោះបីមិនទទួលបានស្នាដៃច្រើនក៏ដោយ ។ ពូឡឹមប៊ិញមិញ-ប្រធានគណៈកម្មការវត្ត ប្រធាន ក្រុមទូកងវត្តចំប៉ា ឃុំភូតឹងឱ្យដឹង៖ ការប្រណាំងទូកង បើទទួលបានជ័យជម្នះគឺមានភាពសប្បាយរីករាយដែរ ក៏ប៉ុន្តែសំខាន់បំផុតបានមាមីងចូលរួមសប្បាយក្នុងថ្ងៃបុណ្យជាការស្នងបន្តប្រពៃណីអភិរក្សអត្តសញ្ញាណជនជាតិ។ និយាយរួមវត្តខ្មែរទាំងអស់ វត្តណាដែលមានទូកគឺចូលរួមដោយស្ម័គ្រចិត្ត ដោយឡែកក្រុមទូកវត្តចំប៉ាបានកែលម្អ លាបពណ៌ គូរក្បាច់ ចុកជ័របានរួចស្រេច។ ឆ្នាំនេះ ក៏ដូចជារាល់ឆ្នាំ ក្រុមយើងខ្ញុំបានហ្វឹកហាត់យ៉ាងម៉ត់ចត់ជាងមួយខែ ពេលចូលរួមប្រកួត ចំនួនកីឡាករចូលរួមមានច្រើនប្រហែលជិត៨០រូប ក្នុងនោះ មានទាំងហ្វឹកហាត់លើគោកនិងបន្ទាប់មកទើបហាត់បន្ទានៅលើទឹក ជាមួយការប្តេជ្ញារបស់ក្រុម យើងខ្ញុំសង្ឃឹមថានឹងទទួលបានជ័យលាភីខ្ពស់។ នាពេលរសៀល មានមាមីងពុទ្ធបរិស័ទយ៉ាងច្រើនតាំងពីវ័យចាស់រហូតដល់កុមារនាំគ្នាមកវត្តដើម្បីមើលកីឡាករហ្វឹកហាត់ រីឯកីឡាករវិញបានបង្ហាញយ៉ាងច្បាស់នូវក្តីរំភើបរបស់ខ្លួនដែលបានចូលរួមក្នុងការហ្វឹកហាត់ជាប្រចាំ។ បងលីជី កីឡាករក្រុមទូកងវត្តចំប៉ា ឃុំភូតឹងរីករាយឱ្យដឹង៖ ពេលព្រឹក ខ្ញុំរៀបចំការងារស្រែចម្ការ ប្រហែលម៉ោង៥ល្ងាច ខ្ញុំមានមុខហ្វឹកហាត់ជាមួយនឹងបងប្អូន ដើម្បីចូលរួមប្រកួតបានល្អ ថ្វីដ្បិតតែមានការហត់នឿយ ប៉ុន្តែឃើញសប្បាយរីករាយណាស់។
នៅទីធ្លាវត្តមជ្ឈិមារាមជ្រោយទឹមចាស់ សង្កាត់ទី១០ ទីក្រុងសុកត្រាំង (សុកត្រាំង) បរិយាកាសក៏រំជើបរំជួលពីការផ្លុំកញ្ចែរបស់គ្រូបង្វឹកជាមួយការហាត់កម្លាំងនៅលើគោក។ បន្ទាប់ពីចាប់ផ្តើមចលនាស្រាល បណ្តាកីឡាករបានផ្លាស់ប្តូរទៅកន្លែងហ្វឹកហាត់លើបន្ទានៅស្រះក្នុងវត្ត ដើម្បីហ្វឹកហាត់ ចលនា បច្ចេកទេសអុំជាមួយគ្នា ដោយគោលបំណងដើម្បីបង្កើនកម្លាំងជំនាញក្នុងការប្រកួត។ ក្រោយពីប្រមូលផ្តុំចុះបន្ទា យុវជនដែលមានកម្លាំងមាំមួនរាប់សិបនាក់ ជាមួយនឹងកម្លាំងដៃកាន់ច្រវាតាមចង្វាក់កញ្ចែរបស់គ្រូបង្វឹក បងស៊ើងថាយហៀង-គ្រូបង្វឹកនៅវត្តជ្រោយទឹមចាស់ សង្កាត់ទី១០ឱ្យដឹង៖ ផ្លុំកញ្ចែផង ភ្នែកត្រូវសង្កេតមើលបងប្អូនក្នុងក្រុមហាត់យ៉ាងណា។ តាំងពីនោះ ដើម្បីកែសម្រួលចលនា ចង្វាក់អុំធ្វើយ៉ាងណាឱ្យដៃស្មើគ្នា។ គិតមកដល់ពេលនេះ ក្រុមទូកងរបស់វត្តបានហ្វឹកហាត់ជាងមួយខែហើយ។ សង្ឃឹមថា ការប្រកួតឆ្នាំនេះ បណ្តាកីឡាករក្រុមទូកងវត្តប្តេជ្ញាទទួលបានលទ្ធផលខ្ពស់បំផុត ដែលចូលរួមក្នុងពិធីបុណ្យមានបរិយាកាសសប្បាយរីករាយ។
ពិធីបុណ្យអកអំបុក-ប្រណាំងទូកងឆ្នាំនេះ បណ្តាក្រុមទូកមានការត្រៀមបម្រុងយ៉ាងម៉ត់ចត់ ចូលរួមពិធីបុណ្យក្នុងបរិយាកាសសប្បាយរីករាយ សន្យាថានឹងបង្កការភ្ញាក់ផ្អើលក្នុងការប្រណាំងទូកងសុកត្រាំងឆ្នាំ២០២៤៕
ដាលីន
Thông tin bạn đọc
Đóng Lưu thông tin