 |
| អង្គកឋិនទានរបស់គ្រួសារលោកតាភៀង នៅភូមិបឹងកក់ ឃុំភូមី ស្រុកមីទូ ដង្ហែមកកាន់វត្តជ្រោយទឹមកណ្តាល ឃុំដាយតឹម ស្រុកមីស្វៀង (សុកត្រាំង) |
សុកត្រាំងមាន៩៣វត្តទក្ខិណានិកាយខ្មែរ។ បច្ចុប្បន្ន ពេលជីវភាពសេដ្ឋកិច្ចរបស់ជនរួមជាតិខ្មែរមានភាពធូរធារ ពិធីបុណ្យកថិនទានរៀងរាល់ឆ្នាំនៅវត្តខ្មែរតែងបានចាត់តាំងឡើងយ៉ាងឱឡារិក ពោរពេញដោយពិធីកិច្ចនៃព្រះពុទ្ធសាសនា។ មធ្យមរៀងរាល់ឆ្នាំ វត្តនីមួយៗមានពី៣-៥អង្គកថិនដង្ហែចូលវត្ត។ ចង់ធ្វើបុណ្យកថិនទាន គ្រួសារជាច្រើនត្រូវមានការរួមកម្លាំង គប់វាល់ថវិការបស់កូនចៅ បងប្អូនសាច់ញាតិក្នុងក្រុមគ្រួសារ។ ទោះបីត្រូវចំណាយថវិកាច្រើនក៏ដោយ ប៉ុន្តែមិនមែនគ្រួសារ ញាតិសន្តានណាក្នុងភូមិស្រុកអាចចាត់តាំងបានទេ ត្រូវមានការយល់ព្រមរបស់ព្រះចៅអធិការនិងគណៈកម្មការវត្ត។ តាមពូឌៀងវោន-អនុប្រធានគណៈកម្មការវត្តមជ្ឈិមរាមជ្រោយទឹមចាស់ សង្កាត់ទី១០ (ទីក្រុងសុកត្រាំង) ឱ្យដឹង៖ ពុទ្ធបរិស័សទបានចាត់តាំងពិធីដង្ហែតាមភូមិស្រុកទៅវត្តនិងដង្ហែទក្សិណជុំវិញព្រះវិហារបីជុំ ដោយសំដែងនូវការគោរពតាមផ្លូវព្រះពុទ្ធសាសនា រួចប្រគេនដល់ព្រះភិក្ខុសង្ឃដើម្បីធ្វើពិធីកិច្ចដែលបានប្រារព្ធឡើងតាមផ្លូវព្រះពុទ្ធសាសនា។
 |
| ពុទ្ធបរិស័ទដង្ហែអង្គកថិននិងអង្គផ្កាប្រទក្សិណមុនពេលប្រគេនដល់ព្រះសង្ឃនៅក្នុងព្រះវិហារ |
គ្រួសារតាលីវភៀង នៅភូមិបឹងកក់ ឃុំភូមី ស្រុកមីទូ (សុកត្រាំង) បានរៀបចំគ្រឿងបរិក្ខាររួមជាមួយនឹងមាមីងពុទ្ធបរិស័ទក្នុងភូមិដើម្បីដង្ហែអង្គកថិនទានចូលទៅវត្តពោធិសាលជ្រោយទឹមកណ្តាល ឃុំដាយតឹម ស្រុកមីស្វៀង។ តាលីវភៀងឱ្យដឹង៖ ដើម្បីចាត់តាំងពិធីបុណ្យកថិនទាន គ្រួសារខ្ញុំបានឡើងផែនការនិងចុះឈ្មោះជាមួយនឹងវត្តកាលពីប៉ុន្មានខែមុន ពេលនេះទើបខ្ញុំមានកិត្តិយសចូលរួមជាមួយគ្រួសារដទៃផ្សេងក្នុងការធ្វើពិធីដង្ហែអង្គកថិនទាន។ ចាត់តាំងពិធីបុណ្យកថិនទាន គឺជាមោទនភាពនិងសេចក្តីប្រាថ្នារបស់មាមីងខ្មែរគ្រប់រូប។ បុណ្យកថិន ជាពិធីបុណ្យដែលបានមាមីងខ្មែរដង្ហែចូលក្នុងវត្តដើម្បីប្រគេនដល់ព្រះសង្ឃ បុណ្យកថិនទានរួមមានគ្រឿងបរិក្ខារដូចៈ សង្ឃាដិ ចីវរ ស្បង់ បាត្រ ឆ័ត្រនិងរបស់របរប្រើប្រាស់របស់ព្រះសង្ឃមានដូចៈ គ្រែ តុ កៅអី ទូ… ដើម្បីសំដែងនូវការគោរពដឹងគុណចំពោះវត្ត ក៏ដូចជាការរួមចំណែកគ្រឿងបរិក្ខារប្រគេនដល់វត្ត ដើម្បីព្រះសង្ឃប្រើប្រាស់…។ តាមវិន័យរបស់ព្រះពុទ្ធដែលបានកំណត់ បុណ្យកថិនទានធ្វើឡើងសម្រាប់ប្រគេននូវសំពត់ចីវរដល់ព្រះសង្ឃ បន្ទាប់ពីព្រះសង្ឃដែលបានគង់ចាំព្រះវស្សាអស់រយៈពេល៣ខែ ទើបព្រះសង្ឃបានទទួលនូវត្រៃចីវរសម្រាប់ប្រើប្រាស់ប្រចាំថ្ងៃ។ បុណ្យកថិនបានប្រារព្ធឡើងរយៈពេល២ថ្ងៃ ថ្ងៃទី១មាមីងពុទ្ធបរិស័ទបានចាត់តាំងនៅគេហដ្ឋាននិងនិមន្តព្រះសង្ឃមកចម្រើនព្រះបរិត្តដើម្បីកំចាត់នូវឧបទ្រពចង្រៃ សុំនូវសេចក្តីសុខ-ចម្រើន បន្ទាប់មកនិមន្តធម្មកថិកសំដែងព្រះធម៌ទេសនាអំពីប្រវត្តិបុណ្យកថិន។ ថ្ងៃទី២ មាមីងពុទ្ធបរិស័ទនាំគ្នាដង្ហែតាមភូមិស្រុកទៅវត្ត មានអមដោយអង្គផ្កានិងអង្គកថិនទានប្រគេនដល់ព្រះសង្ឃ។ ដើម្បីបង្កើនបន្ថែមភាពឱឡារិកក្នុងពិធីដង្ហែ មានគ្រួសារជាច្រើនក៏បានគួបផ្សំទម្រង់សិល្បៈប្រពៃណីដូចជាចាត់តាំងចម្រៀង រាំរបាំ ឆៃយ៉ាំ… ពិធីបុណ្យកថិន ក្រៅពីចាត់តាំងតាមពិធីកិច្ចនៃព្រះពុទ្ធសាសនា មាមីងពុទ្ធបរិស័ទនៅទាំងគប់វាល់ថវិកាមួយចំនួនប្រគេនដល់វត្តសម្រាប់កសាងថ្មីឬជួសជុលសំណង់ក្នុងវត្ត រួមចំណែកលើកស្ទួយនូវស្ថាបត្យកម្មដ៏វិសេសវិសាលនៃព្រះពុទ្ធសាសនាទក្ខិណនិកាយខ្មែរ។
ឆ្លងតាមសកម្មភាពទាំងនេះ ជួយមាមីងពុទ្ធបរិស័ទរស់នៅមានភាពជិតស្នទ្ធនិងស្លូតបូត សាមគ្គី រស់នៅត្រូវមានការទទួលខុសត្រូវនិងក្តីស្រឡាញជួយគ្នាទៅវិញទៅមក ភាពស្អិតរមួតក្នុងសហគមន៍កាន់តែរឹងមាំ៕
ដាលីន
Thông tin bạn đọc
Đóng Lưu thông tin