 |
| ឡឹមធីហូវជក់ចិត្តជាមួយក្បាច់រាំជនជាតិ |
តាំងពីនៅវ័យក្មេង ការជក់ចិត្តក្បាច់រាំបានដក់ជាប់ក្នុងចិត្តរបស់ឡឹមធីហូវ។ ហូវរៀបរាប់៖ ខ្ញុំចូលចិត្តក្បាច់រាំតាំងពីតូច កាលនៅជាសិស្សសាលាអន្តេវាសិក សាលាបានអញ្ជើញពូមីងនៅក្រុមសិល្បៈខ្មែរខេត្តសុកត្រាំងមកបង្រៀននិងណែនាំអំពីក្បាច់រាំ តាំងពីនោះ ខ្ញុំកាន់តែស្រឡាញ់ចូលចិត្ត។ ហូវបានសម្រេចចិត្តបន្ត ពេលដែលប្អូនប្រឡងជាប់ផ្នែកគ្រប់គ្រងវប្បធម៌សិល្បៈនៅមហាវិទ្យាល័យវប្បធម៌ទីក្រុងហូជីមិញ។ នេះជាជំហានដំបូង សម្រាប់ហូវក្រេបយកចំណេះដឹងជំនាញដើម្បីសម្រេចក្តីសុបិនសាយភាយសេចក្តីស្នេហាជាមួយនឹងក្បាច់រាំជនជាតិ។ ក្នុងពេលសិក្សានៅសាលាហូវតែងចូលរួមយ៉ាងសកម្មក្នុងសកម្មភាពវប្បធម៌សិល្បៈនៃវគ្គនិងសាលា ពិសេស គឺបណ្តាព្រឹត្តិការណ៍ទាក់ទងនឹងវប្បធម៌ខ្មែរ។ ជាមួយទេពកោសល្យនិងការខិតខំប្រឹងប្រែងមិនបង្អង់ ហូវមានឱកាសសម្តែងនិងចាត់តាំងច្រើនកម្មវិធីសិល្បៈដែលពោរពេញដោយវប្បធម៌ជនជាតិ។
បន្ទាប់ពីបញ្ចប់ការសិក្សា ហូវបានវិលមកស្រុកកំណើតនិងចាប់ផ្តើមបង្រៀនរាំឱ្យប្អូនៗកុមារនៅជិតផ្ទះ បន្ទាប់មកបានសុំការអនុញ្ញាតពីព្រះចៅអធិការវត្តបឹងក្រចាប់ថ្មីបង្រៀនដល់ប្អូនៗនៅក្នុងវត្ត។ រាល់វីដេអូបង្រៀនរាំរបស់ហូវបង្ហោះលើបណ្តាញសង្គមបានទាក់ទាញការចាប់អារម្មណ៍ក្នុងសហគមន៍។ ហូវបានអញ្ជើញទៅបង្រៀននៅច្រើនកន្លែង អាស្រ័យហេតុនេះ ទើបហូវបានអ្នករាល់គ្នាស្គាល់កាន់តែច្រើន។ បណ្តាថ្នាក់រៀនរបស់ហូវ បានបង្កើតក្រុមរាំដែលអាចសម្តែងបម្រើសហគមន៍និងព្រឹត្តិការណ៍នានា។
ក្នុងការបង្រៀនរបស់ខ្លួន ហូវបណ្តុះឱ្យក្មេងជំនាន់ក្រោយជាច្រើន គំរូគឺប្អូនហ្វិញថាវញឺ ជាសិស្សនៅក្រុមរាំវត្តបឹងក្រចាប់ថ្មីចែករំលែក៖ មូលហេតុដែលប្អូនចូលរួមក្រុមរាំដោយសារប្អូនជក់ចិត្តតាំងពីតូច។ ពេលដឹងអ្នកគ្រូឡឹមធីហូវបង្រៀនរាំ ប្អូនក៏ចុះឈ្មោះចូលរួមរៀនក្បាច់រាំប្រពៃណីរបស់ជនជាតិ។ អ្នកគ្រូហូវមានភាពជិតស្និទ្ធ ស្រឡាញ់ប្អូនៗនិងតែងបង្រៀនអស់ពីចិត្ត តែងបង្កបរិកាសសប្បាយរីករាយក្នុងរាល់ពេលម៉ោងរៀន។
ការចែករំលែករបស់ហ្វិញថាវញឺ មួយផ្នែកណាបង្ហាញនូវសេចក្តីស្រឡាញ់ដែលសិស្សគ្រប់រូបផ្តល់ចំពោះឡឹមធីហូវ។ ហូវមិនត្រឹមតែជាអ្នកបង្រៀនសិល្បៈរាំប៉ុណ្ណោះទេ នៅទាំងជាអ្នកបណ្តុះឱ្យក្មេងៗជនរួមជាតិខ្មែរជំនាន់ក្រោយពីក្តីមោទនៈជនជាតិអំពីតម្លៃវប្បធម៌របស់ជនជាតិ។
 |
| ក្រុមរាំវត្តសោភ័ណរង្សីបឹងក្រចាប់ថ្មី បានបង្កើតឡើងដោយឡឹមធីហូវ |
ទោះបីជាមមាញឹកជាមួយការងារនៅស្ថាប័ន ហូវនៅតែឆ្លៀតរាល់ពេលរសៀលដើម្បីបង្រៀនរាំនៅវត្តនានាក្នុងខេត្តសុកត្រាំងនិងចុងសប្តាហ៍ទៅបង្រៀននៅខេត្តអាងយ៉ាង។ មួយវគ្គបង្រៀនរាំប្រពៃណីធម្មតាមានរយៈពេលពី១០-១៥ពេល។ ហូវបានចែករំលែកថា បច្ចុប្បន្ន សហគមន៍ខ្មែរមានច្រើនក្រុមរាំបានបង្កើតឡើងដែលបង្ហាញថាការអភិរក្សវប្បធម៌កំពុងសាយភាយនៅគ្រប់ទីកន្លែង។ ប៉ុន្តែអ្វីដែលហូវសង្ឃឹមបំផុត គឺបង្កឱកាសសម្តែងឱ្យបានច្រើនសម្រាប់ប្អូនៗដើម្បីបង្ហាញពីទេពកោសល្យនិងអភិវឌ្ឍក្តីជក់ចិត្តរបស់ខ្លួន។
ហូវចែករំលែកបន្ថែម៖ ខ្ញុំជឿជាក់ថា ប្រសិនបើយុវវ័យគ្រប់រូបយល់ពីការទទួលខុសត្រូវក្នុងការអភិរក្សវប្បធម៌ជនជាតិមិនត្រឹមតែក្បាច់រាំខ្មែរប៉ុណ្ណោះទេ ប៉ុន្តែតម្លៃប្រពៃណីណាមួយក៏បានអភិរក្សនិងពង្រីក។
ជាមួយទឹកចិត្តស្រឡាញ់សិល្បៈនិងការលះបង់មិនចេះនឿយហត់ ឡឹមធីហូវបាននិងកំពុងរួមចំណែកក្នុងការអភិរក្សនិងពង្រីកអត្តសញ្ញាណវប្បធម៌ជនជាតិ។ បណ្តាថ្នាក់រៀនរាំរបស់ហូវ មិនត្រឹមតែផ្ទេរលទ្ធភាពប៉ុណ្ណោះទេ នៅទាំង បណ្តុះដល់សិក្ខាកាមនូវក្តីមោទនភាពពីវប្បធម៌ជនជាតិ ជួយប្អូនៗឱ្យក្លាយជាអ្នកស្នងបន្តនិងផ្សព្វផ្សាយប្រពៃណីរបស់ជនជាតិ៕
វឌ្ឍា-លីហាន់
Thông tin bạn đọc
Đóng Lưu thông tin