ជួយសមាជិកឈានឡើងធ្វើមាន

ដើម្បីជួយសមាជិកកសិករអភិវឌ្ឍសេដ្ឋកិច្ចបន្ថយក្រ សមាគមកសិករឃុំទ្រឿងខាញ់ ស្រុកឡុងភូ(សុកត្រាំង) មានដំណោះស្រាយជាក់ស្តែងជាច្រើនដូចៈ បង្កលក្ខណៈឱ្យសមាគមបានបុលប្រាក់ ហ្វឹកហាត់បច្ចេកទេស ឧបត្ថម្ភជី… ដល់សមាជិក។ ទង្វើទាំងនេះ បានជំរុញឱ្យសមាជិកកសិករចាកផុតក្រ ឈានឡើងធ្វើមានដោយស្របច្បាប់។

ដោយបានឧបត្ថម្ភបុលទុនវិនិយោគទិញគោ បច្ចុប្បន្ន គ្រួសារពូថាច់សាញ់មួយជំហានម្តងៗឈានឡើងធូរធារ។

គំរូដូចជាសមាជិកផាងថាញ់យ៉ាង នៅភូមិទ្រឿងឡុក ឃុំទ្រឿងខាញ់មានស្ថានភាពលំបាក បច្ចុប្បន្ន បានចាកផុតក្រ ឈានឡើងធូរធារដោយសារការអនុវត្តទម្រង់បង្វែរដីធ្វើស្រូវដែលគ្មានប្រសិទ្ធភាពមកដាំដំណាំដូចៈ ត្រសក់ ឪឡឹក ឃ្លោក ត្រឡាច ល្ហុងនិងបន្លែគ្រប់ប្រភេទ។ ពីដីប៉ុន្មានកុងដែលឪពុកម្តាយទុកមក ឥឡូវពូអភិវឌ្ឍន៍ផ្ទៃដីដាំដំណាំជាង១ហិកតា។ រដូវដើមឆ្នាំ ពូយ៉ាងដាំឪឡឹកមានប្រាក់ចំណេញជាង៥០លានដុង។ ដោយបានសមាគមកសិករឃុំវិនិយោគពីមូលនិធិឧបត្ថម្ភកសិករ ចំនួន៤០លានដុង ពូដាំល្ហុង បច្ចុប្បន្ន ចម្ការល្ហុងរបស់ពូជិតបានប្រមូលផល។ តាមបទពិសោធន៍របស់ពូយ៉ាង ល្ហុងជាប្រភេទឈើហូបផ្លែងាយដាំ ងាយថែទាំ ក្រោយពី៤ខែល្ហុងនឹងបានប្រមូលផល ជាមួយផ្ទៃដីដាំល្ហុងជាង១ហិកតា ទិន្នផលមធ្យមក្នុងមួយកុងប្រហែល៥តោន មានតម្លៃពី៥.០០០-៦.០០០ដុង/គីឡូក្រាម។ បន្ទាប់ពីគិតការចំណាយរួច គាត់ទទួលបានប្រាក់ចំណេញប្រហែល២០លានដុង/កុង។ ពូផាងថាញ់យ៉ាងចែករំលែក៖ ពីទម្រង់បង្វែរឈើហូបផ្លែ បច្ចុប្បន្ន គ្រួសារខ្ញុំបានចាកផុតក្រ ឈានឡើងធូរធារ ជាមួយប្រាក់ចំណូលមធ្យមរៀងរាល់ឆ្នាំគិតការចំណាយរួចប្រហែលជិត២០០លានដុង។

ដូចជាពូយ៉ាង គ្រួសារពូថាច់សាញ់ សមាជិកកសិករភូមិទ្រឿងថ ឃុំទ្រឿងខាញ់ ជាអ្នកខិតខំឧស្សាហ៍ព្យាយាមធ្វើការរកស៊ី ប៉ុន្តែដោយខ្វះទុនផលិត ដូច្នេះ កាលពីមុន ផែនការអភិវឌ្ឍសេដ្ឋកិច្ចបានបោះបង់ចោលពាក់កណ្តាលផ្លូវ។ ជាច្រើនឆ្នាំបន្តបន្ទាប់ គ្រួសារបងបានស្ថិតក្នុងបញ្ជីគ្រួសារក្ររបស់ភូមិ។ ឆ្នាំ២០២០ សមាគមកសិករឃុំទ្រឿងខាញ់បានចុះកិច្ចសន្យាជាមួយធនាគារគោលនយោបាយសង្គមស្រុក ដើម្បីគ្រួសារពូបុល៥០លានដុង គ្រួសារពូសាញ់ទិញគោពូជ៣ក្បាលចិញ្ចឹម។ ដោយមានប្រភពចំណីបរិបូរណ៍ រួមជាមួយអត្ថប្រយោជន៍រៀនច្រើនទម្រង់ចិញ្ចឹមគោប្រសិទ្ធភាពក្នុងឃុំ ដូច្នេះការចិញ្ចឹមរបស់ពូសាញ់មានភាពងាយស្រួល ជួយជីវភាពគ្រួសារលំនឹងបន្តិចម្តងៗ។ ក្រៅពីការវិនិយោគចិញ្ចឹមសត្វ ប្តីប្រពន្ធពូនៅតែបន្តធ្វើរបរបន្ទាប់បន្សំជាច្រើន ដើម្បីបំពេញតម្រូវការប្រើប្រាស់ប្រចាំថ្ងៃ សន្សំទិញរបស់របរប្រើប្រាស់ក្នុងគ្រួសារ។ ដោយសារខិតខំប្រឹងប្រែង ចុងឆ្នាំ២០២២ គ្រួសារពូសាញ់បានចាកផុតក្រ។ ពូសាញ់ចែករំលែក៖ ពីការចិញ្ចឹមសត្វ សព្វថ្ងៃ គ្រួសារខ្ញុំបានចាកផុតក្រ ក្បែរក្រ ឈានឡើងជាគ្រួសារធូរធាររបស់ភូមិ ដែលមានចំណូលប្រចាំឆ្នាំមធ្យមជិត១០០លានដុង។ មានជីវភាពដូចសព្វថ្ងៃ គ្រួសារខ្ញុំដឹងគុណយ៉ាងខ្លាំងចំពោះការជួយរបស់សមាគមកសិករឃុំ។ ខ្ញុំក៏សង្ឃឹមថា សមាគមនឹងបន្តពង្រីកតួនាទីជាស្ពានដើម្បីជួយជាកម្លាំងដល់សមាជិកកសិករលំបាក ឈានឡើងលំនឹងជីវភាព។

ពីការខិតខំប្រឹងប្រែងរបស់អង្គការសមាគមក្នុងការជួយសមាជិកអភិវឌ្ឍសេដ្ឋកិច្ច ពិសេស សមាជិកក៏ម្ចាស់ការក្នុងបង្កើតទម្រង់ផលិត ចិញ្ចឹមមានប្រសិទ្ធភាព នាំមកនូវប្រាក់ចំណូលខ្ពស់។ សមាគមបានផ្សព្វផ្សាយ ចលនាកម្មាភិបាល សមាជិកត្រូវច្បាមជាប់នូវគោលការណ៍ គោលនយោបាយរបស់បក្ស ក្រឹត្យច្បាប់របស់រដ្ឋ ចូលរួមកសាងទម្រង់អភិវឌ្ឍសេដ្ឋកិច្ចផ្សារភ្ជាប់ជាមួយនឹងការប្រើប្រាស់ផលិតផល។ លោកហាកុងវិញ-អនុប្រធានសមាគមកសិករឃុំទ្រឿងខាញ់ ឱ្យដឹង៖ នាពេលខាងមុខ សមាគមបង្កលក្ខណៈឱ្យសមាជិកបុលទុន បង្កើនការត្រួតពិនិត្យដំណើរការនៃការប្រើប្រាស់ដើមទុន ដើម្បីធានាបាននូវគោលដៅនិងប្រសិទ្ធភាព ជំរុញការហ្វឹកហាត់ ផ្តល់ចំណេះដឹងវិទ្យាសាស្ត្របច្ចេកទេសបម្រើដល់ការផលិត គួបផ្សំការបង្រៀនរបរជាមួយនឹងឧទ្ទេសនាមការធ្វើ… បង្កលក្ខណៈជួយសមាជិកឈានឡើងចាកផុតក្រស្ថេរភាព។

ដោយមានទិសដៅត្រឹមត្រូវ បណ្តាដំណោះស្រាយសមស្របជាមួយនឹងសក្តានុភាពនៃភូមិភាគបាន ជួយសមាជិកកសិករមួយជំហានម្តងៗឈានឡើងចាកផុតក្រ ធ្វើមានស្របច្បាប់នៅភូមិភាគ៕

ចន្ថា

ជួយសមាជិកឈានឡើងធ្វើមាន

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង

ជួយសមាជិកឈានឡើងធ្វើមាន

Thông tin bạn đọc

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង